| 14. குறுங்கழிநெடில் |
|
| |
[குறுங்கழிநெடில் இதில் அமைந்துள்ள பாடல்கள் பத்தும் நெடுங்கழிநெடிலினுங் குறுகியதாகலின் குறுங்கழிநெடில் என்று பெயர் பெற்றது. இப்பாடல்களும் திருக்கையில் எழுந்தருளிய இட்டலிங்கத்தின்மீது பாடப்பட்டனவேயாம்.] |
|
|
| |
| எழுசீர்க்கழிநெடிலடியாசிரிய விருத்தம் |
| |
| |
பொன்செய்வா ணிகர்போ லெவ்வழி யானும்
புண்ணிய மீட்டினு மறிஞர்
கொன்செய்பா தகமே புரிந்தன னின்றாள்
குறுகுவ தென்றென விரங்க
முன்செய்தீ வினையோ கனவிலு மறமே
மொழிகிலேன் களித்திருக் கின்றேன்
என்செய்கோ மறலிக் கென்கரத் திருக்கு
மீசனே மாசிலா மணியே.
|
(1) |
| |
| |
மென்னிழற் றருவை யாடைபவர் தம்மை
விடாநிழல் விட்டிடு மாபோல்
நின்னடிக் கமல மடைந்திடிற் றொடர்ந்து
நீங்கலா வினையுநீங் குறுமே
கன்னலிற் கனியிற் சுவைதரு மமுதே
கண்மணி யேயருட் கடலே
என்னுயிர்த் துணையே யென்கரத் திருக்கு
மீசனே மாசிலா மணியே.
|
(2) |
| |
|
| |
1. பொன் செய் வாணிகர்-பொருள்தேடும் வணிகர்கள். கொன் செய்-தீமையைச் செய்கின்ற. என் செய்தோ-யாது செய்வேனோ. மறலிக்கு-நமனுக்கு. 2. விடாநிழல்-ஒருவரை எப்பொழுதும் விடாத அவர்களுடைய நிழல். நீங்கலா-நீங்காத. கன்னல்-கரும்பு.
|
|
|
|