மலச்சார்பும் ஒட்டின்கண் அருண் கலச்சார்பும் உள்ளன. இவ்வுண்மைகள் வருமாறுணர்க:

	"சார்புணர்ந்து சார்புகெட வொழுகின் மற்றழித்துச்
	சார் தரா சார்தரு நோய்,"
	- திருக்குறள் 359.

	"சார்புணர்ந்து சார்பு கெட வொழுகின் என்றமையால்
	சார்புணர்தல் தானே தியான முமாம் - சார்பு
	கெடவொழுகின் நல்ல சமாதியுமாம் கேதப்
	படவருவ தில்லைவினைப் பற்று,"
	- திருக்களிற்றுப்படியார், 34.

	"அறிந்திடும் ஆன்மா ஒன்றை ஒன்றினால் அறித லானும்
	அறிந்தவை மறத்த லானும் அறிவிக்க அறித லானும்1
	அறிந்திடுந் தன்னை யுந்தான் அறியாமை யானுந் தானே
	அறிந்திடும் அறிவன் அன்றாம் அறிவிக்க அறிவன் அன்றே."
	- சிவஞானசித்தியார், 5. 2-2.

சிவகுருவின் மெய்ம்மை வருமாறு :

	"சுத்த சிவன்குரு வாய்வந்து தூய்மைசெய்
	தத்தனை நல்கருள் காணா அதிமூடர்
	பொய்த்தகு கண்ணான் நமரென்பர் புண்ணியர்
	அத்தன் இவனென் றடிபணி வாரே"
	- 10. 1553.

உடல் பொருள் ஆவிகளை உடையான்பால் ஒப்புவிக்கு முண்மை வருமாறு :

	"அன்றே யென்றன் ஆவியும் உடலும் உடைமை எல்லாமுங்
	குன்றே அனையாய் என்னையாட் கொண்டபோதே கொண்டிலையோ
	இன்றோர் இடையூ றெனக்குண்டோ எண்டோண் முக்கண்எம்மானே
	நன்றே செய்வாய் பிழை செய்வாய் நானோ இதற்கு நாயகமே."
	- 8. குழைத்தபத்து - 7.

    இம் முறையான் மேவிச் செய்யும் ஆவியின் செயலெலாம் தாவில் முதல்வன் தன்செயலே யென்பது வருமாறு :