"சுத்தநிர்க் . . . .சுகவாரியே" -

     (வி - ம்.) பார் - நிலவுலகம். அண்டம் - முட்டை வடிவாகக் காணப்படும் நுண்வெளி. தூமாயை - சுத்தமாயை. இவ்வெளி மாயாகாரியமாகிய அறிவில் வெளி. இதற்கும் நிலைக்களமாகத் திகழ்வது அறிவுடைத் திருவருட் பரவெளி. இதனைச் "சிற்பரவியோமம்" என்பர். பாவியேன் - குறைபாடுடையேன். பரிசு - தன்மை; பண்பு. நிர்ச்சிந்தை - மனவொடுக்கம். சதாகாலம் - எப்பொழுதும். நிட்டை - மனம் ஒருங்கி நிற்றல். வேண்டத்தக்கதாய்ப் பழக்கமுற்றதொன்று கைவரப்பட்ட விடத்து அது வழக்கமென வழங்கப்படும். இந்நிலையினையே சகச நிலையென்பர். சுகாதீதம் - உள்ளங் கடந்துள்ள எங்கு நிறைந்த தாகிய பொங்கு பேரின்பம் கார் - மேகம். எண்ணரும் - கணக்கிடமுடியாத. காலூன்றி - மழையொழுக்கு உன்றி, கால்வீசி - காற்று. கம்மி - நிறைந்து. கமம் - நிறைவு. ஆனந்தம் - இன்பம். கூவுதல் - அழைத்தல். கூவிப் பணிகொளும் உண்மையினை வருமாறுணர்க :

	"அடியேன் அல்லல் எல்லாமும் அகல ஆண்டாய் என்றிருந்தேன்
	கொடியே ரிடையாள் கூறாஎங் கோவே யாவா என்றருளிச்
	செடிசேர் உடலைச் சிதையாத தெற்றுக் கெங்கள் சிவலோகா
	உடையாய் கூவிப் பணிகொள்ளா தொறுத்தாலொன்றும் போதுமே."
	- 8. குழைத்தபத்து-2.

    அறிவுப் பெருவெளியுண்மையினை வருமாறுணர்க :

	"கற்பனை கடந்த சோதி கருணையே யுருவ மாகி
	அற்புதக் கோலநீடி அருமறைச் சிரத்தின் மேலோஞ்
	சிற்பர வியோம மாகுந் திருச்சிற்றம் பலத்து ணின்று
	பொற்புட னடஞ்செய் கின்ற பூங்கழல் போற்றி போற்றி."
	- 12. தில்லைவாழந்தணர், 2.

(8)

பேதித்த சமயமோ ஒன்றுசொன படியொன்று

பேசாது துறவாகியே

பேசாத பெரியோர்கள் நிருவிகற் பத்தினால்

பேசார்கள் பரமகுருவாய்ப்

போதிக்கும் முக்கண்இறை நேர்மையாய்க் கைக்கொண்டு

போதிப்ப தாச்சறிவிலே

போக்குவர வறஇன்ப நீக்கமற வசனமாப்

போதிப்ப தெவரையனே