டிருந்தமையின்,       குன்றத்தூர்,        “ தொண்டைவள     நாட்டுத்    தொல்புகழ் குன்றை “ எனப்பட்டது.

    சேக்கிழாரின் இளவலே பாலறாவாயர்.  இவர் சோழ அரசியலில் உயர்ந்த உத்தியோகம் பெற்றவர்.  அதாவது இவர் சேக்கிழாருக்குப் பிறகு அமைச்சராக்கப்பட்டுத் தொண்டைமான் என்னும் பட்டப் பெயரும் அநபாயனால் கொடுக்கப்பட்டுச் சிறப்பிக்கப் பட்டவர்.  “ தொண்டை மண்டலம் நின்று காத்த பெருமான் “ என்னும் சிறப்பையும் இவர் பெற்றவர்.  குன்றத்தூரில் தம் பெயரால் குளம் வெட்டியவர் இவை அனைத்தையும் தொண்டர் புராண வரலாற்று நூல்,

        ஆயவேலை அனபாயன் இந்நிலைமை
            ஆதலால் அனுசர் பாலறா
        வாயர் எங்குளர் எனப்ப ணிந்திரு
            மருங்கு நின்றவர் விளம்புவார்
        தூய குன்றைநகர் மீது தம்பெயர்
            துலங்க ஓர்குளம் அமைத்தபின்
        ஏய நகைஅர னார்திருப்பணி
            இயற்றி அவ்விடை இருந்தனர்

        என்று சொல்லஅவர் தமைஅழைத் தரசன்
            இவர்அமைச் சர்இவர் பட்டமும்
        மன்ற மாலைபுனை தொண்டை மான்என
            வகுத்தபின் தமது மண்டலம்
        அன்று வற்பம்வர வந்தடைந் தவரை
            ஆற்றல் செய்துதொண்டை மண்டலம்
        நின்ற காத்தபெரு மான்எனத் தமது
            பெயரை எங்கும் நிறுத்தினார்

எனக் கூறியுள்ளது.

    இக்குறிப்புக் கல்வெட்டுக்களாலும் அறிய வருகின்றன.  இவர் பாலறாவாயர் சேக்கிழார், பாலறாவாயன் களப்பாளராயர் எனவும் கூறப்பட்டனர்.  இவர் திரு அரத்துறை, கோட்டூர் முதலான சிவ தலங்களுக்குத் தானம் பல செய்