:: TVU ::

தனிப் பாடல்கள் : பொதுமைப் பாடல்கள்

பல்வகைப் பாடல்கள்
சித்தாந்தச் சாமி கோயில்
சித்தாந்தச் சாமி திருக்கோயில் வாயிலில் தீப வொளியுண்டாம்; -- பெண்ணே! முத்தாந்த வீதி முழுதையுங் காட்டிட மூண்ட திருச்சுடராம்; -- பெண்ணே!	1
உள்ளத் தழுக்கும் உடலிற் குறைகளும் ஓட்ட வருஞ்சுடராம்; -- பெண்ணே! கள்ளத் தனங்கள் அனைத்தும் வெளிப்படக் காட்ட வருஞ்சுடராம்; -- பெண்ணே!	2
தோன்று முயிர்கள் அனைத்தும்நன் றென்பது தோற்ற முறுஞ்சுடராம்; -- பெண்ணே! மூன்று வகைப்படும் காலநன் றென்பதை முன்னரிடுஞ்சுடராம்; -- பெண்ணே!	3
பட்டினந் தன்னிலும் பாக்கநன் றென்பதைப் பார்க்க வொளிர்ச்சுடராம்; -- பெண்ணே! கட்டு மனையிலுங் கோயில்நன்றென்பதைக் காண வொளிர்ச்சுடராம்; -- பெண்ணே!	4