[பூர்வ காலத்தில்
அர்ஜூனாதிகள் செய்ததாகப் புராணங்களிலே
கூறப்படும் அம்புத் தொழில் முறைகளைப் பின்பற்றி இரண்டு
ரஜபுத்திரர்கள் செய்த அற்புதமான துப்பாக்கி வித்தைகளை
நோக்கும்போது உள்ளத்திலெழுந்த சில எண்ணங்கள்.]
மல்லார் திண்டோட் பாஞ்சாலன்
மகள் பொற்கரத்தின் மாலுற்ற
வில்லால் விஜயன் அன்றிழைத்த
விந்தைத் தொழிலை மறந்திலிரால்
பொல்லா விதியால் நீவிரவன்
போர்முன்னிழைத்த பெருந்தொழில்கள்
எல்லா மறந்தீ ரெம்மவர்காள்
என்னே கொடுமை யீங்கிதுவே!
1
வீமன் திறலு மவற்கிளைய
விஜயன் திறலும் விளங்கிநின்ற
சேமமணிப்பூந் தடநாட்டில்
சிறிய புழுக்கள் தோன்றி வெறுங்
காம நுகர்தல் இரந்துண்டல்
கடையாம் வாழ்க்கை வாழ்ந்து பினர்
ஈமம் புகுத லிவைபுரிவார்
என்னே கொடுமை யீங்கிதுவே.
2
4.
ஆதாரம்: பாரதி தமிழ் -- பக்கம் 16
சுதேசமித்திரன்:
4-4-1906