முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 119 760 தூய காற்றும் நன்னீரும்,      சுண்டப் பசித்த பின்உணவும், நோயை ஓட்டி விடும், அப்பா?      நூறு வயதும் தரும், அப்பா! 761 அருமை உடலின் நலமெல்லாம்      அடையும் வழிகள் அறிவாயே; வருமுன் நோயைக் காப்பாயே;      வையம் புகழ வாழ்வாயே. 98. நாட்டுக்கு உழைப்போம் 762 என்றும் தமிழ்மக்கள் யாவரும் ஒத்திணங்கி, ஒன்றித்து நின்றால் உயர்வுண்டாம்; - அன்றெனில், மானம்போம், செல்வம்போம், மானிட வாழ்விற்குரிய தானம்போம், யாவும்போம், தாழ்ந்து. 763 பண்டைத் தமிழர் பழம்பெருமை பாடிஇன்னும் மண்டை யுடைத்து வருந்துவதேன்? - அண்டும்இக் காலத்திற் கேற்றகல்வி கற்றுக் கடைப்பிடித்து ஞாலத்தில் வாழ்ந்திடுவோம் நன்கு. 764 வாணிகம் செய்வோம்; வயலிற் பயிர்செய்வோம்; காணரிய கைத்தொழிலும் கண்டு செய்வோம் - பேணிநம் சந்தத் தமிழ்வளர்ப்போம்; தாய்நாட்டுக்கே உழைப்போம்; சிந்தை மகிழ்ந்து தினம். 765 தெய்வம் தொழுவோம்; திருந்தத் தமிழ்கற்போம்; செய்வினையும் நன்றாகச் செய்திடுவோம் - ஐயமின்றி எவ்வெவ் வறமும் இனிது வளர்த்திங்குச் செவ்வையுற வாழ்வோம் தினம். 99. பிஜித் தீவுத் தமிழருக்கு வாழ்த்து 766 தென்னாடு விட்டேகித் தீவாந்; தரத்தையெலாம் பொன்னாடாய் மாற்றிப் புரந்திடுவோர் - எந்நாளும் ஓங்கும் அறிவால் உழைப்பால் பெரும்புகழைத் தாங்கும் தமிழரே தாம்.

முன் பக்கம்

மேல்

அடுத்த பக்கம்