Untitled Document
| 767 | | பொங்கு கடல் கடந்து - சென்றிப்
பூவுலகத் தினிலே
எங்கெங்கு வாழ்ந்தாலும் - தமிழர்
ஏக குலத்தவராம். |
| 768 | | கோடரி மண்வெட்டி - கலப்பை
குந்தாலி ஏந்துவோரே
நாடெலாம் ஆளுகின்ற - உண்மை
நாயக ராவாரையா! |
| 769 | | பாழ் நிலத்தையெல்லாம் - திருத்திப்
பண்படுத்தி மக்கள்
வாழ் நிலமாகத் - தமிழர்
மாற்றிய தாரறியார்? |
| 770 | | இலங்கை சிங்கபுரம் - பிஜிமுதல்
இன்னும் பலவான
தலங்களின் செல்வம் - தமிழர்
தந்த செல்வமன்றோ? |
| 771 | | நாச அணுக்குண்டால் - நமக்கு
நன்மை ஏற்படுமோ?
நேச மாய்நிதமும் - அஹிம்சை
நெறியைப் போற்றுவமே. |
| 772 | | காந்தி மகான் சொன்ன - வழியைக்
கடைப்பிடிக்கும் மந்த
மாந்தரே உலகில் - நல்ல
வாழ்வு பெறுவரையா! |
| 773 | | ஆதி பகவன் அறவாழி அந்தணன்
யாதும் உவமையிலான் இன்னருளால் - பூதலத்தில்
சிந்தைக் கினியபிஜித் தீவில் தமிழ்மக்கள்
சந்ததம் வாழ்க தழைத்து. | |
|
|