முழுவதும் அடங்கிய ஆய்வு தொகுப்பு | 177 |
Untitled Document 169. நெல்லை பிரசவ ஆஸ்பத்திரி |
1105 | | நாடும் நகரும் நகர்ப்புறமும் நன்மை காணத் திருநெல்லை நீடிவ் வுலகில் மேன்மையுறு நிறுவும் பிரசவ சாலையிது பீடு பெறுமோர் தாயாகிப் பிள்ளைப் பேறு பார்த்தபிரான் ஆடும் அழகுன் உமைபங்கன் அருளால் வாழ்க வாழ்கவே. |
1106 | | பற்று மன்பால் அறம் வளர்த்துப் பாது காக்கும் குணசீலர் கற்ற பெரியர் தனவந்தர் காணும் பிரசவ சாலையிது பெற்ற தாய்வீ டென்றெண்ணி பெண்டி ருள்ளம் மகிழ்வடைய உற்ற உதவி புரிந்தென்றும் உலகில் வாழ்க வாழ்கவே. |
1107 | | எந்தை காந்தி மதிநாதன் இமையோர் பெருமான் திருவருளால் சிந்தை மகிழ்ந்து இராஜாஜி திறக்கும் பிரசவ சாலையிது சந்தப் பொதிகை மலையேபோல் தண்ணார் பொருனை நதியேபோல் இந்த உலகில் என்றென்றும் இனிது வாழ்க வாழ்கவே. |
1108 | | கந்தன் முருகன் கதிரேசன் கடம்பன் செய்யும் திருவருளால் சந்தம் மிகவே நெல்லையினில் தங்கும் பிரசவ சாலையிது சிந்தைக் கினிய மெய்ஞானச் செல்வர் வீரர் புலவரெல்லாம் வந்து தோன்றும் இடமாக வாழ்க வாழ்க வாழ்கவே. | |
|
|