| | | வேறு |
| | | காரணவரைக் கண்டு அனந்திரவர்கள் கூறுவது |
| 1409 | | | காணியெல்லாம் ஆளும் காரணவர் - உம்மைக்
கண்டு தொழுதிவை சொல்ல வந்தோம்;
வீணர் இவரென் றிகழ்ந்திடாமல் - கேட்டு
வேண்டும் விடைகள் பகரும், ஐயா! |
| 1410 | | | பற்றுப் பருக்கையும் உண்டுவிட்டீர் - வெறும்
பானையைப் பங்கிட வைத்துவிட்டீர்;
சற்றும் கருணை உமக்கிலையே? - எங்கள்
சங்கட முற்றும் அறிகிலீரோ? |
| 1411 | | | வட்டியிலே நெல் அளந்து நீர் - ஒவ்வொரு
மாதமும் தந்திட வேதனை ஏன்?
குட்டிக் கரணங்கள் போட்டிடினும் - இனிக்
கோர்ட்டு விதிகள் அழிவதுண்டோ? |
| 1412 | | | யானைக் குலத்து நீர் வந்தவரோ - நாங்கள்
ஏழை எறும்பின் குலத்தவரோ?
மான மிலாது பெரும்பங்கு கேட்டிட
வாயும் சிறிதுமே கூசலையோ! |
| 1413 | | | கைப்பொருள் எல்லாம் கடத்திவிட்டீர் - நூறு
கள்ளக் கடன்களும் காட்டிவிட்டீர்;
பப்படம் போல நொறுங்கிடோமோ? - இந்தப்
பாரமும் நாங்கள் பொறுப்போமோ? |
| 1414 | | | கூனக் கிழவிகள் கொட்டை நூற்று - முன்னம்
கூட்டி தேட்டம் எமக்கிலையோ?
ஆனபொருளில் அதிகம் எடுக்க - நீர்
ஆசைப் படுவது எக்காரணமோ? |