Untitled Document
| 169 | | நாட்ட மொழியுமவன் பாட்டினிசையில் - மிக்க
நல்ல கற்கண்டினிமை சொட்டுமே, அடா!
ஏட்டிலிம் மந்திரந்தான் கண்டவருண்டோ? - ஈதவ்
ஈசன் திருவருளென் றெண்ணுவாய், அடா! |
| 170 | | உள்ளந் தெளியுமொரு பாட்டிலே, அடா! - மிக்க
ஊக்கம் பிறக்குமொரு பாட்டிலே, அடா!
கள்ளின் வெளிகொளுமோர் பாட்டிலே, அடா! - ஊற்றாய்க்
கண்ணீர் சொரிந்திடு மோர் பாட்டிலே, அடா! |
| 171 | | 'கரும்புத் தோட்டத்திலே' - எனுங்கவி
காதைச் சுடுகுதடா!
இரும்பு நெஞ்சமே - நீராய்
இளகியோடுதடா! |
| 172 | | 'செந்தமிழ் நாட்டின்' - முதன் மொழி
செவியிற் சேருமுன்னே,
அந்தமில் லாமல் - உள்ளத்தில்
அமுதம் ஊறுதடா! |
| 173 | | 'பாப்பாப் பாட்டி'லே - நெஞ்சைப்
பறிகொ டுத்தேனடா!
சாப்பா டேதுக்கடா! - சீனி
சர்க்கரை ஏதுக்கடா!
|
| 174 | | அன்னை 'பாஞ்சாலி - சபதம்'
அறைதல் கேட்டேனடா!
முன்னைக் கதையெல்லாம் - கண்ணின்
முன் நடந்ததடா! |
| 175 | | 'வந்தே மாதரத்' தைப் - பாடவே
வாய்தி றந்தவுடன்,
சந்தேக மில்லை - ஒருபுதுச்
சக்தி தோன்றுதடா!
|
| 176 | | 'எங்கள் நாடு' தான் - பூங்கா
இசையி லேறிடுமேல்,
கங்கை யாறுபோல் - உள்ளத்தில்
களிப்பொ ழுகதடா! | |
|
|