| முழுவதும் அடங்கிய ஆய்வு தொகுப்பு | 361 |
Untitled Document
| 1670 | | காலைச் சிறுவன், கல்லினை அக்
கங்குற் பானை யகமிட்டான்;
நீல வானின் மீனெல்லாம்
நில்லா தோடி ஒளித்தனவே!
தாலத் தொருகீழ்த் திசைவேடன்
தாங்கும் கதிரின் கண்ணிகளால்,
சீலக் கோமான் திருக்கோயில்
சிகரம் கொண்டான், காணீரோ! | 1 |
| 1671 | | அருணன் உதிக்கும் வேளையிலே
ஆரோ அந்தச் சாலையிலே
'மருவும் வாழ்வின் கிண்ணமது
வற்றி வறண்டு போகும்முனம்,
பருக மதுவைத் தாரீரோ?
பாய்விட் டெழுந்து வாரீரோ?
அருமை மங்கை மாரே!' என்று
அழைத்தல் கேட்டேன், அறிவீரே. | 2 |
| 1672 | | காகம் கரைதல் கேளீரோ?
கதவைச் சற்றே திறவீரோ?
ஆகஇரண்டு கணப்பொழுதுக்கு
அப்பால் இங்கே தங்கோமே;
தேகம் அலுத்துச் செல்வோமோ,
சென்றால் மீண்டு வாரோமோ;
வாகின் அமைந்த சாலைஇதன்
வாயில் காக்கும் காவலரே! | 3 |
| 1673 | | புலர்ந்து விடியும் பொழிதினிலே,
பொய்கைக் கரையஞ் சோலையிலே,
மலர்ந்து நல்ல மணம்வீசி
மகிழும் மலர்கள் ஆயிரமாம்;
உலர்ந்து வாடிச் சேற்றினிலே
உதிருமவையும் ஆயிரமாம்;
கலந்த உலக வாழ்வைஇதில்
கண்ணாற் கண்டு தெளிவாயே. | 4 | |
|
|