Untitled Document
| 1714 | | மண்ணுக் கீடு பொன்கேட்டால்
வலியில் மனிதர் என்செய்வார்?
கண்ணிச் செய்த ஒப்பந்தம்
கண்ணிற் கண்டது ஒன்றுமிலை;
திண்ணமாக இவ்வழக்குத்
தீரா வழக்கே யாகும், அப்பா!
எண்ணி முடிவு செய்திடுவார்
யாவர் உள்ளார்? எங்குள்ளார்? | 45 |
| 1715 | | எல்லாம் வலியாய், நின்வலிதான்
எங்கும் வெளியாம் வேளையிலே,
நல்லாறு அறியா நாத்திகரும்
நம்பி உனையே நாடிடுவார்;
வில்லார் கதிரோன் விண்ணின்று
விளங்கி ஒளியைப் பொழிகையிலே,
பொல்லா வாவல் இருள்நோக்கிய
போக வழிதான் கண்டிடுமோ? | 46 |
| 1716 | | ‘யாரும் சிறியர்; யான்பெரியன்;
எதிலும் சிறந்தது என்னலமாம்;
பாரில் எனக்கீ டில்லை’ எனப்
பயனில் மொழிகள் பகர்வதும்என்?
சேரும் உலகப் பொருளையெலாம்,
தெரிய நோக்கித் தனைநோக்காச்
சீரின் அமைந்த கண்மணியின்
செயலை நோக்கித் தெளிவீரே. | 47 |
| 1717 | | அல்லும் பகலும் பலநூல்கள்
ஆய்ந்து கற்றேன்; அவையாவும்
வெல்லும் வெற்றி ஈகையினால்
விளைந்த புகழை விரித்ததலால்,
தொல்லை ஆன்ம நிலையிதெனச்
சொன்ன சொற்கள் ஒன்றுமிலை
கல்லும் முள்ளும் கடந்துழன்றும்
கனியைக் கண்ணால் கண்டிலனே! | 48 | |
|
|