| முழுவதும் அடங்கிய ஆய்வு தொகுப்பு | 373 |
Untitled Document
| 1718 | | ஐயோ அறியா மானிடரே!
ஆசைப் பேயின் அடிமைகளே!
எய்யா தென்றும் வான்நோக்கி,
இரங்கி அழுது நிற்பதும் ஏன்?
மெய்யாய் அன்று படைத்தஅவன்
மெலியாது உம்மைக் காவானோ?
கையால் மரத்தை நட்டவர்கள்
கருத்தாய் நீரும் வார்க்காரோ? | 49 |
| 1719 | | ‘ஈசா! உள்ள மிரங்கிடு; யான்
ஏழை, ஏழை, என்றுநிதம்
கூசா தேனோ கூப்பிடுவாய்?
குறைகள் கூறி நின்றிடுவாய்?
பேசா தவரைப் பேணானோ?
பெற்ற மகவைக் காவானோ?
ஆசான் நீயோ? ஈசனெதும்
அறியாச் சிறிய பாலகனோ? | 50 |
| 1720 | | நாடும் வெற்றி தோல்விகள்எந்
நாளும் பந்து விரும்பிடுமோ?
ஆடுமவரின் அடிக்கேற்ப
அங்கும் இங்கும் அலைந்திடுமால்;
நீடும் இந்த நிலமீது
நின்னைத் தூக்கி இட்டஅவன்
ஈடு செய்வான், இரங்கிடுவான்,
யாவும் அறிவான், நன்கறிவான். | 51 |
| 1721 | | எல்லாம் இங்கோர் சூதாட்டம்,
இரவும் பகலும் மாறாட்டம்;
வல்லான் விதியே ஆடுமகன்,
வலியில் மனிதர் கருவிகளாம்;
சொல்லா தெங்கும் இழுத்திடுவான்,
ஜோடி சேர்ப்பான், வெட்டிடுவான்;
செல்லா தாக்கி ஒவ்வொன்றாய்த்
திரும்ப அறையில் இட்டிடுவான். | 52 | |
|
|