Untitled Document | 1722 | | எழுதிச் செல்லும் விதியின்கை
எழுதி எழுதி மேற்செல்லும்;
தொழுது கெஞ்சி நின்றாலும்
சூழ்ச்சி பலவும் செய்தாலும்
வழுவிப் பின்னாய் நீங்கியொரு
வார்த்தை யேனும் மாற்றிடுமோ?
அழுத கண்ணீ ராறெல்லாம்
அதிலோர் எழுத்தை அழித்திடுமோ? | 53 |
| 1723 | | உயிரின் ஒளியும் மணமுமெலாம்
உன்பேர ரருளில் உதிப்பனவாம்;
மயலின் மாசு நீங்கிடவே
வறுமை சூழ வைத்தனைநீ,
எயிலும் அரணும் காப்பதிலுன்
இணையா மடிகட்கு இணையாமோ?
அயலும் காவா மனிதருலகு
அனைத்தும் காக்கும் ஆண்டவனே! | 54 |
| 1724 | | புந்தி ஈசன் திருவடியிற்
பொருந்தா உலகம், பொய்யுலகம்
முந்து துயரம் மூடுலகம்,
மூட உலகம், எந்நாளும்
வெந்து தீயும் நரகினுக்கு
விறகு தேடி இடுமுலகம்;
இந்த உலகில் ஏன், ஐயா!
இன்னும் ஆசை வைப்பாய்நீ? | 55 |
| 1725 | | வீடும் பழவீ டாகுதடா!
விட்டம் கூரை சுவரெல்லாம்
ஆடி அலைந்து விழுநாளும்
அண்டி அண்டி வருகுதடா!
நாடி இதனை இன்னும்நீ
நம்பி மோசம் போகாமல்,
பாடிப் பாடி, எம்பெருமான்
பாதம் போற்றி வாழ்வாயே. | 56 | |
|
|