Untitled Document | 1778 | | துயரம் அடர்ந்து வளர்ந்துன்னைச்
சுற்றி வளையும் வேளையிலே,
முயலும் முயற்சி யின்றி, ஒரு
மூலை தேடி இருப்பதும்ஏன்?
அயலி லுள்ளார் படும்பாடு,
அழுகண் ணீரும் கண்டு, உனது
மயலை முற்றும் மாற்றுவையே;
மனத்தை நன்றாய்த் தேற்றுவையே. | 109 |
| 1779 | | கண்ணும் உடைமை யாவையும்நீ
நாசஞ் செய்து நாடுவையேல்,
உண்மை யாக உன்னையுமே
உணர்ந்து கொள்வாய், ஐயமிலை;
மண்ணின் ஆசை நீங்கின், அருள்
வள்ளல் ஆசை ஓங்கிவரும்;
எண்ணும் உள்ளத்து ஆசையிரண்டு
இருக்க இடமும் உண்டோடா? | 110 |
| 1780 | | உருளும் உலகில் ஒருநாளும்
ஒன்றும் நிலையில் நிற்பதில்லை;
மருளும் மனிதர் வாழ்க்கைஒரே
வழியிற் செல்வ துண்டோ? சொல்
பொருளை நோக்கிப் புகழ்விடுவார்;
புகழை நோக்கிப் பொருள்விடுவார்;
அருளை நோக்கி இவைவிடுவார்
அரியர், என்றம் அரியர், அம்மா! | 111 |
| 1781 | | ஆழி சூழும் உலகாளும்
அரச னாக வேண்டுமெனில்,
வாழும் வாழ்வில் உன்னையும்நீ
மறந்து வாழ வேண்டுமடா!
ஏழை யாகி எளியவரின்
எளிய னாக வேண்டுமடா!
தோழ னாகி யாவர்க்கும்
தொண்ட னாக வேண்டுமடா! | 112 | |
|
|