| முழுவதும் அடங்கிய ஆய்வு தொகுப்பு | 387 |
Untitled Document | 1774 | | படுவெம் பாலை ஒருபுறமும்
பயிர்வாழ் நன்செய் ஒருபுறமும்
நடுவண் ஒடுங்கி ஓடுமொரு
நந்த வனமும், அவ்வனத்தில்
அடிமை அரசர் இவரில்லாது
அமையும் அரிய நல்வாழ்வும்,
உடைமை யாகப் பெறுவேனேல்,
உம்பர் நாடும் வேண்டேனே. | 105 |
| 1775 | | வெய்யிற் கேற்ற நிழலுண்டு;
வீசும் தென்றல் காற்றுண்டு;
கையில் கம்பன் கவியுண்டு;
கலசம் நிறைய மதுவுண்டு;
தெய்வ கீதம் பலவுண்டு;
தெரிந்து பாட நீயுமுண்டு
வையந் தருமிவ் வனமன்றி
வாழும் சொர்க்கம் வேறுண்டோ? | 106 |
| 1776 | | பொல்லான் என்பர்; அதனாலென்?
புனிதன் என்பர்; அதனாலென்?
கல்லன் என்பர்; அதனாலென்?
கலைஞன் என்பர்; அதனாலென்?
சொல்லா வசைகள் சொன்னாலென்?
சூழ்ந்து நின்று புகழ்ந்தாலென்?
எல்லா நாளும் ஒருநாள்போல்
இருக்க வேண்டும் என்மனமே. | 107 |
| 1777 | | ‘புயலே யனைய கொடையாளர்,
புவன மடங்காப் புகழடையார்,
இயலும் கல்விக் கிணையில்லார்’
எனவே தத்தம் முன்னோரின்
செயலும் குணமும் சிறப்பும் அனு
தினமும் மிகவே போற்றிடுவீர்;
வயலைப் பயிர்செய் யாதுபழ
வைக்கோல் கிண்டிப் பயன்எதுவோ? | 108 | |
|
|