Untitled Document
1195 - 1208 பண்டிதமணியின் கதிர்மணி விளக்கம்
மகிபாலன் பட்டி மகாமகோபாத்தியாய பண்டிதமணி கதிரேசன்
செட்டியாரின் (1953) திருவாசகம், திருச்சதகத்தின் ‘கதிர்மணி விளக்கம்’
நூலில் வந்தவை. (எழுதிய நாள் 30-6-1951) இத்துடன் ... “தாங்கள்
இப்பணியில் ஈடுபட்டிருப்பது தமிழ்நாட்டின் பாக்கியமே ஆகும்.
இம்மாதிரியான விளக்கவுரை எழுதுவதற்குத் தங்களைத் தவிர
வேறொருவர் இக்காலத்தில் இல்லை என்பது என் உண்மையான
அபிப்பிராயம்” என்ற குறிப்பும் உள்ளது.
இதே கவிதைகள் ‘தொண்டன்’; ஆவணி 1951 இதழிலும்
வந்துள்ளன.
1209 புதுமைப்பித்தன் மலர்
நாகர்கோவிலில், எழுத்தாளர் சுந்தர ராமசாமி வெளியிட்ட‘புதுமைப்
பித்தன் (1906-1942) மலரில்’ வந்தது. (1952)
1210-1216 மலரும் உள்ளம்
அழ வள்ளியப்பாவின் குழந்தைப் பாடல்கள் தொகுப்பு (1953)
1217 - 1219 கம்பர் தரும் ராமாயாணம் டி.கே.சி.யின் ‘கம்பர் தரும்
இராமாயணம்’ (பால காண்டம், அயோத்தி காண்டம் - இரண்டாம் பதிப்பு) குற்றாலம் சேது மாளிகையில் இராஜாஜி தலைமையில் 1953 அக். 31ஆம்
தேதி வெளியிடப்பட்டது. இதற்காகக் கவிமணி பாடிய பாடல்கள் இவை.
1220 - 1224 குன்றக்குடி அடிகளார்
எம்.எஸ்.பி. சண்முகம் எம்.எ என்பவர் எழுதிய ‘குன்றக்குடி
அடிகளின் வரலாறு’ நூலுக்கு எழுதிய வாழ்த்துப்பாடல்கள்.
இப்பாடல்களை எழுதிய போது கவிமணி அறுவை சிகிச்சை முடிந்து
படுக்கையிலிருந்தார் (5-6-1954)
1125 இராமகாதை
சோ.முருகப்பாவின் ‘இராமகாதை பாலகாண்டம்; ’ (ஜனு 1954)
இக்கவிதைக்கு வேறு வடிவம் உண்டு. (கை.எ.பி) அது கீழ் வருமாறு
“யாவருமே போற்ற இராம காதையினை
பாவினயம் ஆராய்ந்து பார்த்த ளித்தோன் - மேவுபுகழ்ச்
செந்தமிழ் வித்தகச் செல்வன் முருகப்பன்
சந்ததமும் வாழ்க தழைத்து. | | |
|
|