Untitled Document
| 474 | | கால்முடம் நீக்கிடுவான் - குருட்டுக்
கண்களும் காணவைப்பான்;
சாலப் பெருநோயும் - கையால்
தடவிப் போக்கிடுவான். |
| 475 | | தேச விவகாரம் - அவனும்
செவியிற் கொள்வதில்லை;
காசு பணத்தை அவன் - என்றுமே
கைகளால் தொட்டதில்லை. |
| 476 | | பக்கத்தில் உள்ளவர்கள் - தேச
பக்தர் புரோகிதர்கள்
மிக்க பழிசுமத்தி - அவனுளம்
வெந்திடச் செய்து விட்டார் |
| 477 | | "யூதரின் மன்னவன்யான் - எனவந்து
ஓதுகின்றான்; இவனை
நீதிசெய் வீர்" எனவே - மன்றத்தில்
நிறுத்தி வழக்காடினார். |
| 478 | | ஏசுவி னைச்சிலுவை - மரத்தில்
ஏற்றிக் கொல்வதென்றே
நாசகா லர்கூடி - விதியங்கே
நாட்டி விட்டார் ஐயோ! |
| 479 | | "மன்னுயிர் காத்திடவே - இங்கு
வந்து பிறந்தமகன்
தன்னுயிர் காக்கவெண்ணாது - இன்று
தயங்கி நிற்கின்றான்! |
| 480 | | முழக்கம் செய்துவந்தான் - வழக்கை
முடித்து நிற்கின்றான்;
ஒழுக்கம் காட்டவந்தான் - இங்கே
உயர்வு பெற்றுவிட்டான்!" |
| 481 | | என்று பற்பலரும் - அவனை
ஏளனம் செய்து நின்றார்;
ஒன்று உரையாமல் - உரவோன்
உள்ளம் அடங்கிநின்றான். | |
|
|