Untitled Document
| 550 | | உரைத்த உரையெல்லாம் - மாறி
உரைத்திடு வாரில்லை;
துரைத்த னமுமில்லை - தொடரும்
துன்பங் களுமில்லை. |
| 551 | | நீதி மன்றமில்லை - முழங்கும்
நியாய வாதியில்லை;
பாதி முதல்தனையும் - வழக்கில்
பறிகொ டுப்பதில்லை. |
| 552 | | நாளைக் கில்லையென - இன்று
நைந்து நைந்துருகி
மூளை கலங்கியே - இருந்து
முணுமு ணுப்பதில்லை. |
| 553 | | உண்டிக் கலந்து போய்க் - கெஞ்சி
ஒரும னிதனையும்
அண்டி வாழவேண்டாம் - ஏழை
அடிமை யாகவேண்டாம். |
| 554 | | அச்சக் கும்பிடில்லை; - நடிக்கும்
அன்புக் கும்பிடில்லை;
பிச்சை யெடுப்பில்லை - காட்டும்
பித்த லாட்டமில்லை. |
| 555 | | இரப்ப வருமில்லை - சோம்பி
இருப்ப வருமில்லை;
புரப்ப வருமில்லை - அவரைப்
புகழு வாருமில்லை. |
| 556 | | பட்டுடை வேண்டாம் - வயிரப்
பணிகள் பூணவேண்டாம்;
பொட்டிட வேண்டாம் - தலையில்
பூவும் சூட வேண்டாம். |
| 557 | | வெற்றி தோல்வியில்லை - பணத்தால்
வெறியும் கொள்வதில்லை;
கற்றறிந் தோமென்று - செருக்கும்
காட்டி நிற்பதில்லை. | |
|
|