தொட்டிக் குள்ளே நீந்தி நீந்திச்
                   சோர்ந்து போன மீன்களை
               விட்டு வந்தேன் ஆற்று நீரில்
                   விரைந்து நீ்ந்தி மகிழவே!
                               விடுதலை ! விடுதலை ! விடுதலை !

               முன்பு ஒருநாள் பிடித்து வந்த
                    மின்னி டும்பொன் வண்டினை
               கொன்றை மரத்தில் காலை நேரம்
                    கொண்டு சேர்த்தேன் மீண்டுமே!
                               விடுதலை ! விடுதலை ! விடுதலை !

               சுதந்தி ரத்தை நாம் அடைந்த
                    தூய்மை யான நாளிலே
               உதவி செய்தேன்; அதனை எண்ணி
                    உள்ளம் துள்ளு கின்றதே!
                               விடுதலை ! விடுதலை ! விடுதலை !