மொத்தம் நண்பர்கள் பத்துப்பேர்
            நித்தம் எனக்கே உதவிடுவார்.

                நித்தம் உதவும் அவர்களுமே
                நிற்பார் இரண்டு வரிசைகளில்.

            பல்லைத் துலக்க ஒருநண்பர்.
            பாடம் எழுத இருநண்பர்.

                உணவை ஊட்ட ஐவர்களாம்.
                உடலைத் தேய்க்கப் பத்துப்பேர்.

            இப்படி உதவும் நண்பர்களை
            எப்படி நானும் பிரிந்திருப்பேன் ?

                என்னை விட்டுப் பிரியாமல்
                இருக்கும் அந்த நண்பர்கள்போல்
 
            உங்களி டத்தும் பத்துப்பேர்
            ஒட்டிக் கொண்டே இருப்பார்கள்.

                 அவர்கள் யார்யார் தெரிகிறதா ?
                 அவசியம் நீங்கள் அறிந்திருப்பீர்.