ஏணி மேலே ஏணி வைத்து
ஏறப் போகிறேன்.
ஏறி ஏறி எட்டி வானை
முட்டப் போகிறேன்.
வானில் உள்ள மீனை யெல்லாம்
வளைக்கப் போகிறேன்.
வளைத்து வளைத்துச் சட்டைப் பைக்குள்
அடைக்கப் போகிறேன்.
பந்து நிலா அதை எடுத்து
வீசப் போகிறேன்.
பாலு, சோமு உங்கள்
சமர்த்தைப்
பார்க்கப் போகிறேன்.
முந்திப் பந்தைப் பிடிப்பவனை
வாழ்த்தப் போகிறேன்.
மூச்சுப் பிடித்துப் பூமிமீது
குதிக்கப் போகிறேன்.