:: TVU ::

பக்கம் :158

பூங்கொடி


	தொன்று முதிர்ந்த தூயநன் மொழியாம்	210
	தமிழிசை மீண்டும் தரணியில் தழைக்கத் தந்தநற் சுவடியின் தகவெலாம் உரைத்துப் புந்தியிற் பதியப் பொதிந்துள நுணுக்கம் முறைமுறை தெரித்தும் இடையிடை இசைத்தும்
	நறைபழுத் தொழுகும் துறைத்தீந் தமிழின்	215
	பழம்பெரும் பாடல் பாங்குடன் பாடியும் முழங்கிசை வல்ல முத்துத் தாண்டவர் வழங்கி யருளிய வளர்தமிழ்ப் பாட்டும், அரும்பெறல் இசைவல அருணா சலக்கவி
	திறம்பட நல்கிய தீந்தமிழ்ப் பாட்டும்,	220
	விரும்பிய சமநிலை வேத நாயகர் தரும்பழச் சுவைநிகர் தண்டமிழ்ப் பாட்டும், என்றிவர் அனையார் இசைத்துறை வித்தகர் துன்றுநல் லுணர்வில் துய்த்துப் பாடிய
	தென்றமிழ்ப் பாட்டும் தெள்ளிதின் இசைக்க,	225

	பெருநிலக்கிழார் வாழ்த்துரை

	ஏந்திய மலரில் இன்சுவை நறவம் மாந்திய வண்டென மனங்களி கூர்ந்து விழிபுனல் ததும்பி வியந்துரை கூற மொழிதடு மாறும் முதியவர் எழுந்து
	`வாழிய நெடுநாள்! வாழிய நெடுநாள்!	230
	யாழின் இசையோய் வாழிய நெடுநாள்! ஏழிரண் டாண்டுகள் என்மனத் துறுத்திய பாழிடர் போக்கினை! பாவாய் வாழிய!' எனமனத் தெழூஉம் உணர்ச்சியின் இயைந்த
	வாழ்த்துரை வழங்கி மகிழ்ந்தனர் பெரிதே.	235
---------------------------------------------------------------
	எழூஉம் - எழும்.