:: TVU ::

சிறைப்படு காதை

பக்கம் : 177


	கண்ணொரு கொலைவினை நிகழ்ந்தென் றறிந்த காவற் படையினர் கடுகி வந்தனர்;
	ஏவல் மாக்கள் இருவரை வினவினர்;	80
	மாளிகை முழுமையும் சூழுறும் அறைகளும் வாளிற் படுமகன் வடித்தசெங் குருதி தோய்ந்து காய்ந்து தூணிடைக் கிடக்கும் உடலும் பிறவும் உற்று நோக்கினர்;
	காவற் றலைவர் கற்போர் தம்மை	85
	`நீவிர் அறிந்தன நிகழ்த்துக' என்றனர்;

	மாணவன் கூற்று

	`கொலைபடு கோமகன் கலையிசை வேட்டுப் பலநாள் எம்முடன் பயின்றனன் அறிவோம்; ஈதொன் றன்றி வேறொன் றறியோம்;
	தீது நிகழ்வில் ஏதும் தெரியோம்;	90
	எமக்கிசை யூட்டுங் குலக்கொடி யாகிய மடக்கொடி பூங்கொடி மற்றவள் தோழி சண்டிலி என்பாள் தன்னுடன் கூடி விண்டொட நிவந்த வியன்பெரு மாளிகை
	வதிவதும் அறிவோம் வாய்மையிஃ தாகும்;	95
	மதிலரண் சூழும் மாமனை யிதனுள் எதிரிகள் எவரும் எளிதிற் புகார்'என மாணவர் தம்முளோர் மாணவன் இயம்பக்

	காவலர் குறுக்கு வினா

	கரவிலா துரைத்ததைக் கேட்டஅக் காவலர்,
	`அரண்படு மாளிகை ஆதலின் ஈண்டு	100
	முரணியோர் உட்புக முடியா தென்றனை, அவ்வா றாயின் அவனொடு முரணியோர் எவ்வெவர் என்றெமக் கியம்புதி' என்றனர்;

	மாணவன் மறுமொழி

	முற்படு மாணவன் `முரணியோர் உண்டெனல்