:: TVU ::

பக்கம் : 23

1. விழாவயர் காதை
தமிழகச் சிறப்பு

	அலையெழு நெடுங்கடல் ஆடை உடீஇய நிலமகள் தனக்கு நிறைமதி முகமெனும் நாவலந் தீவின் நாடியாய் விளங்கும் பாவலர் புகழ்தரு பண்டைத் தமிழகம்
	மேவலர் அணுகா வீரங் கெழுமிய	5
	காவலர் மூவர் கயல்புலி வில்லெனும் கொடிமூன் றுயர்த்திக் கோலோச் சியது; சங்கம் நிறீஇத் தமிழ்மொழி ஓம்பிப் பொங்கும் புகழ்வரப் பொலிந்தநன் னாடு;
	`யாதும் ஊரே யாவரும் கேளிர்'என்	10
	றோதி ஓதி உயர்ந்ததோ டன்றி வருபவர் தமக்கெலாம் வணங்கி வரவுரை தருவது தொழிலாத் தான்கொண் டதுவே;

	பொங்கல் வந்தது

	அயலவர் மொழிக்கெலாம் ஆளுகை தருதல்
	தவறென உணரார் தாய்மொழி ஈங்குச்	15
	சிறுகச் சிறுகச் சீரிழந் தேகுதல் அறியக் காணார் அயர்ந்தனர்; அந்நாள் பொங்கல் நாளெனும் மங்கலத் திருநாள் எங்கணும் மகிழ்ச்சி இலங்கிட வந்தது;

	அறிக்கை விடுதல்

	கட்சி சமயங் கருதிடா நல்லோர்	20
---------------------------------------------------------------
	உடீஇய - உடுத்த, மேவலர் - பகைவர், கெழுமிய - பொருந்திய, கோலோச்சியது - செங்கோல் செலுத்தியது, நிறீஇ - நிறுவி, கேளிர் - உறவினர், ஆளுகை - ஆட்சி, இலங்கிட - விளங்கிட.