:: TVU ::

பக்கம் :236

31. விடுதலைக் காதை

சிறையும் விடுதலை வீரரும்

	கருங்கற் சுவரும் இரும்பின் கம்பியும் திருந்திய நெஞ்சகம் பொருந்திய உணர்ச்சியைப் பிரித்திட வல்ல பெற்றிமை யுற்றவோ? குறித்தநற் கொள்கையர் கொடுஞ்சிறைக் கொட்டிலுட்
	கிடப்பினும் நாடும் கிளர்ந்தெழும் அவரும்	5
	தனித்தனி பிரிந்திடத் தகுவரோ? விடுதலை வேட்டெழும் வீரர்தம் ஏட்டினில் அந்நிலை காட்டுதல் கூடுமோ? கேட்டதும் இல்லை; பூங்கொடி யுளத்துப் பூத்துநல் லார்வம்
	யாங்ஙனம் அகலும்? ஓங்கி வளர்ந்தது,	10

பூங்கொடி புலம்பல்

	இனிமை மிகுதமிழ் இயம்பும் வாயினள் தனிமை தருதுயர் தாங்கி யிருப்பவள், நனிமிகும் உணர்வொடு நவின்றனள் இவையிவை, `முன்னர் ஒருநாள் மூடிய சிறையுள்
	தன்னந் தனியாய் இன்னலிற் கிடந்தேன்	15
	செய்யாப் பழியைச் செய்தேன் என்று பொய்யாற் சிறையுட் புகுத்தினர் கவன்றேன்; இன்றென் தாய்மொழி இடுக்கண் துடைத்திடும் நன்றமர் நடாத்தி நானிலம் அறியச்
	சென்று புகுந்தேன் சிறையகம் அதனால்	20
	ஒன்றும் மகிழ்வால் உளங்களிக் கின்றேன்;

	உரிமை பெறுமுன் இறவேன்

	நன்று புரிவோர் நலிவுறல் இயல்போ? தூய்தமிழ் வாழத் தொண்டுகள் புரிந்தேன், தாய்மொழி வளரத் தந்தேன் வாழ்வு,
---------------------------------------------------------------
	ஒன்றும் - பொருந்தும்.