:: TVU ::

பக்கம் :54

பூங்கொடி

	பொறுக்கும் அளவே பொறுப்பர்; மீறின் ஒறுத்ததன் பிறகே ஓய்வும் உணவும் நினைவர்; இதுதான் நெடுநாள் இயல்பு; கனலும் புனலும் கரைமிகின் தடுக்க உலகில் ஒருபொருள் உளதென அறியோம்;	90

	மான வுணர்ச்சி

	மூக்கினை வருடின் மூங்கையும் சினப்பான்; காக்கும் உயிரினும் மேம்படு கனிமொழி தாய்மொழி யதனைத் தகவிலார் குழுமி ஆய்வஞ் சனையால் அழிக்க முனையின் ஊமையிற் கீழாய் உறங்கிக் கிடப்பரோ?	95

	அறப்போர்

	போர்ப்படை திரண்டது போர்ப்பறை ஆர்த்தது; கோற்படை வீரரைக் குவித்தனர் அரசினர்; அஞ்சிலர் நெஞ்சில் ஆண்மை ஏறினார் வஞ்சினம் சாற்றினர் வாகை சூடவே; மானம்மீக் கூர்ந்தவர் மறியல் செய்தனர்;	100
	கூனல் நெஞ்சினர் கொடுங்கோல் செலுத்தினர்; அடித்தனர் துரத்தினர், அடவி நாப்பண் துடித்திடக் கொண்டுபோய் விடுத்தனர்; புலிவாய் தப்பிப் பிழைத்துத் தாய்மார் பல்லோர் அப்பணி மீண்டும் ஆற்றினர்; அவர்தமைக்	105
	கொடுஞ்சிறைக் கூட்டுள் கொடுங்கோல் அடைத்தது;	110

	குருதி சிந்தினர்

	தொடும்பணி எதையும் துணிவுடன் ஆற்றக்
---------------------------------------------------------------
	கனல் - தீ, புனல் - நீர், கரைமிகின் - எல்லை கடந்தால், மூங்கை - ஊமை, கோற்படை - ஊர்காவலர், மீக்கூர்ந்தவர் - மேம்பட்டவர், கூனல் - குறுகிய, அடவி - காடு, நாப்பண் - நடுவில்.