:: TVU ::

பக்கம் :72

10. தொல்காப்பியம் உணர்ந்த காதை
குறளுரை பரப்புதல்

	நற்பொருள் உணர்ந்த பொற்கொடி குறளின் சொற்பொருள் தெளிந்து சூழ வருவார்க்கு உணர்த்தும் பணியை உவப்புடன் பூண்டனள்; கணக்கில் அடங்கார் கற்று நடந்தனர்,
	இணர்ப்பூங் குழலாள் இவ்வணம் இருந்துழித்	5

	தாமரைக்கண்ணி வருகை

	தாமரைக் கண்ணி தந்தனள் வருகை; காமரு பூங்கொடி கடிதின் எழீஇத் தூமன மகிழ்வால் தொழுதனள் தழீஇ நீராற் கண்ணை நிறைத்துப் புகழ்மொழி
	கூறா நின்றனள்; கூறிய நங்கையை	10
	ஆரத் தழுவி அப்பெரு மாட்டி வீரத் திருமகள் வாழிய என்றனள்;

	பூங்கொடி வினவல்

	`ஊரில் புதுமை உற்ற துண்டுகொல்? அன்னையும் தோழியும் என்பிரி வாற்றி
	நன்னல மோடவர் துன்னினர் கொல்லோ?	15
	உரையாய் தாயே' என்னலும் `உன்னைத்

	தாமரைக்கண்ணி மறுமொழி அருண்மொழி நிலைமை

	திரைவாய்க் கடல்நகர் திருத்துவான் வேண்டித் தனியே விடுத்ததால் தையலர் இயல்பான் நனிகலங் கினர்பின் நலிவு துடைத்துச்
---------------------------------------------------------------
	காமரு - அழகுமிக்க, கடிதின் - விரைவில், எழீஇ - எழுந்து, தழீஇ - தழுவி, துன்னினர் - அமைந்தனர், திரை - அலை, திருத்துவான் - திருத்த.