:: TVU ::

பக்கம் :78

பூங்கொடி

	நிலவிய பொதுப்பணி நேர்வோர் தமக்குத் தடையாம் இல்லறம் தவிர்ந்தேன்; நெஞ்சுரம் உடையார் எந்தை உழைத்தஅப் பணியே
	தலையாக் கொண்டேன் தையால்! மணஞ்செயின்	25

குடும்பக் கவர்ச்சி

	உலைவாய்ப் பட்ட இரும்பென உருகி வளைந்து நெளிந்து வாழ்தல் வேண்டும்; குழந்தை கணவன் குடும்பம் என்றெலாம் எண்ணம் விரியும், இடும்பைகள் பெருகும்;
	தன்னல மறுப்பெனும் நெருப்பினுள் மூழ்க	30
	உன்னுங் காலை உளந்துணி யாதே! அன்னாய்! அதனால் துறந்தனென் இல்லறம்;

கடல்நகர் வந்தமை கூறல்
	இயல்பினில் வாய்த்தது இத்துற வுள்ளம், மயலொரு சிறிதும் இல்லேன்; மலையுறை
	அடிகள் குறளகம் அண்டினேன், உய்ந்தேன்;	35
	கடிகமழ் தாமரைக் கண்ணிதன் துணையால் இந்நகர் வந்திவண் இறுத்தனென், அதன்றலைப் பன்னரும் பெருமைப் பழந்தொல் காப்பியப் பொருள்நூல் உணர்ந்தேன்; புகன்றேன் என்னிலை;
	அருள்விழி! நீயார் அறை'கென மொழிதலும்,	40

	மூதாட்டி தன் வரலாறுரைத்தல்

	வந்தவள் மகிழ்ந்துதன் வரலா றுரைக்கும்; `முந்திய தமிழ்மொழி தந்தநல் இலக்கியச் செல்வம் பற்பல சிதைந்தும் குறைந்தும் புதைந்து கிடப்பவை புகுந்து புகுந்துஅப்
---------------------------------------------------------------
	உய்ந்தேன் - பிழைத்தேன், கடிகமழ் - மணங்கமழும், இறுத்தனென் - தங்கினேன், அதன்றலை - அதன்மேலும், பன்னரும் - கூறஇயலாத.