:: TVU ::

பக்கம் :80

பூங்கொடி

	செயல்படல் இன்றிச் சிதைந்தது நூலகம்; வீடுகள் தோறும் ஏடுகள் தேடிப் பாடுகள் உறும்யான் பயன்தரும் எனநினைந் தோடினென் ஆங்கே தேடினென் ஏடுகள்;

சிதைந்த சுவடிகள்

	தென்மொழி வடமொழி தெலுங்கு முதலாப்	75
	பன்மொழி ஏடுகள் பற்பல கண்டேன், ஓவியம் சிற்பம் மருத்துவம் ஒண்டமிழ்ப் பாவினில் உரைக்கும் ஏடுகள் கண்டேன், வானநூல் ஏடும் வகைவகை கண்டேன்,
	ஊனம் இலாத தொன்றும் இல்லை;	80
	முதலும் முடிவும் காணாச் சுவடிகள், சிதலும் மண்ணும் சிதைத்த சுவடிகள் கண்டேன் கண்டேன் கலங்கினென் உள்ளம்;

எரிந்த ஏடுகள்

	அண்டையில் நின்ற அந்நூல் நிலையப்
	பணியாள் தன்பாற் பரிந்து வினவினென்,	85
	இன்னும் உளவோ ஏடுகள் என்னவும் `அன்னாய்! ஏடுபல் லாயிரம் இருந்தன, வெந்நீர் வேண்டி விறகென அவற்றை எரித்தோம்' என்றனன்; துடித்ததென் மனனே;
	எரித்தஅவ் வேடுகள் எத்தகு நூலோ!	90
	கலைமகள் தமிழைக் காப்பதிப் படியோ! கொலைமிகு நெஞ்சர் கொடுமைதான் என்னே! வெந்நீர் பாய்ச்சி, மிகுபயன் நல்கும் கன்னல் தமிழ்ப்பயிர் கருகிட முனைந்தனர்;
	என்னே! என்னே! இவர்தம் மதிதான்!	95
	மடமை என்கோ? கொடுமை என்கோ?
---------------------------------------------------------------
	பாடுகள் - துன்பங்கள், ஊனம் - குறை.