:: TVU ::

பக்கம் :90

13. மீனவன் வரலாறுணர்ந்த காதை
அடிகளார் கூறத்தொடங்குதல்

	இசையியல் இயம்பும் ஏட்டுச் சுவடி வசையிலா நினக்கு வழங்கிய மீனவன் தன்றிறம் கூறுவென் தயங்கிழை! கேளாய், நின்பெரும் பணிக்கும் நீள்பயன் விளைக்கும்;

	குறியிடத்திற் காதலர்

	நெல்லூர் என்னும் நல்லூர் ஆங்கண்	5
	கழனி வினைபுரி களமர் குடிதனில் எழில்நிறை செல்வி இடுபெயர்ப் பொன்னி நல்லவள் ஒருத்தி, கொல்லுலைத் தொழில்புரி வில்லவன் என்னும் விடலை தன்னொடு
	அறியாக் காதல் வாழ்வின ளாகிக்	10
	குறியிடம் ஒருநாள் கூடினள் நிற்க;

	அலர் பரவியது

	நெறியிடை ஏகும் நெடுமகன் ஒருவன் கண்டனன் அவர்நிலை காதல் அறியான், அண்டையர் மறைசெயல் அறிவதும் தீமை
	அதனைப் பலர்க்கும் அறைவதும் தீமை;	15
	இதனை உணரான் எதிர்ப்படுவோர்க்கெலாம் புதுமை கண்டவன் போலதை விளம்ப மனைதொறும் அம்மறை வாயிடம் பெற்றது நினையா வகையிற் பனையாய் வளர்ந்தது;

	ஊரார் வாய்

	பாரோர் அறிய ஒருபொருள் பரப்ப	20
---------------------------------------------------------------
	தயங்கிழை - பூங்கொடி, கழனி - வயல், களமர் - உழவர், விடலை - சிறந்த ஆடவன், நெறியிடை - வழியில், நெடுமகன் - மூடன், மறை - இரகசியம்.