உருபுலன் மனஒ ழுங்கால்
உன்னுளே உலகாள் தேவன்
வரும்வரும் பஜகோ விந்தம்;
வலியவே பஜகோ விந்தம். 31 குறிப்புரை:- துரு - உபாயம், களிம்பு; துரிதமாய் - விரைவாய்;
மூர்க்கர் - கீழ்மக்கள்,இழிஞர்; பேதம் - வேறுபாடு;
மேது - அறிவு; பகர்ந்திட - சொல்ல. 179. ஸ்ரீ பகவத் கீதை : ஸாங்கிய யோகம்
இரண்டாம் அத்தியாயம் அர்ச்சுனன் கேட்கிறான் : கோவா விளங்கச் சொல்வாய்
கெட்டியாம் அறிவு பெற்றோன்
பேசுமா றெவ்வா(று) அன்னான்
பிறரிடம் என்ன சொல்வான்?
ஆசிலா அவனுக் குள்ளே
அடையாளம் யாது? அந்தத்
தேசுளான் எதனைச் செய்வான்?
தேர்ந்திடும் பலன்தான் என்ன? 1 ஸ்ரீபகவான் சொல்லுகிறார் : பார்த்த! கேள் சொல்லு கின்றான்,
பலமுள்ள அறிஞன் தன்மை;
ஆர்த்தெழு மனத்தில் தோன்றும்
ஆசைகள் அனைத்தும் நீக்கித்
தீர்த்தபின் ஆத்மா தோன்றும்
தெரிந்துளே மகிழ்வா னாயின்
நீத்தவன் அவனே என்ப
நிச்சய புத்தி பெற்றோன். 2 |