ஆங்கில ஆதிக்கத்தை  அறிஞர் சாஸ்திரியார்   வெறுத்தாரெனினும்,
ஆங்கிலத்தை ஒரு மொழியாகத் தமிழர் கற்கவேண்டுமென்பதனை வற்புறுத்த
அவர் தவறவில்லை. அத்துடன், ஆங்கிலங் கற்ற தமிழர், அம்மொழியிலுள்ள
அறிவு நூல்களைத்  தமிழில் கொண்டு  வரவேண்டும்  என்ற கருத்தினையும்
வெளியிட்டார். ஆம்; நாளடைவில் கல்லூரிகளில் தமிழே பயிற்சி மொழியாக
வேண்டும் என்ற குறிக்கோளுடனேயே தமிழில்  அறிவு   நூற்கள் வெளிவர
வேண்டும் என்றார்.

      "ஆங்கிலரைப்  போலத்  தமிழ்  மக்களும்  நாகரிக  நிலையில் உயர
வேண்டின்  ஆங்கிலங்  கற்று அவர்களது  சாஸ்திர  ரகசியங்களை அறிந்து
கொள்ளவேண்டும்.  அங்ஙனங்   கற்றுக்  கொண்டோரிற்  சிலர்  அவ்வரிய
உண்மைகளைத் தம்முடைய தாய் மொழியாகிய தமிழ்மொழியில் வெளியிடுதற்
குரிய   ஆற்றலிராய்த்    தம்மவர்க்குப்   பயன்படாது  வாணாள் வீணாள்
கழிக்கின்றனர்.   இப்பொழுதான்  சிலர்  தமிழ்  மொழியைக்  கண்விழித்துப்
பார்ப்பாராயினர். அநேகர் ஆங்கில  நூல்களை மொழிபெயர்க்கப் புகுந்தனர்.
இவ்வாறு மொழி பெயர்ப்பு வகையால் ஆங்கிலக்  கருத்துக்கள்  தமிழின்கண்
எவ்வளவு புகினும் நலமே."²

     சாஸ்திரியார்,   வடமொழிப்    புலமையுடைய   வைதிகக்    குடும்பத்
திலே  பிறந்தவர்.   அவருக்கும்    வடமொழிப்புலமை    உண்டு.  அப்படி
யிருந்தும்,     தமிழ்மொழியின்      தனித்தன்மையை      அழித்தொழித்து