|
முற்செலவுக்கருத்தும் துளைத்தற்கருத்தும்
உள் = முற்செல், பொருந்து, துளை. ஒரு
பொருள் தொடர்ந்து முற்செல்லும்போது,
எதிரேயிருக்கிற பொருளொடு முதலாவது பொருந்துதலும்,
பின்பு அதனூடு துளைத்துச் செல்லுதலும் காண்க.
உழு = முன்னோக்கி நிலத்தைக் கீறு.
உழு - உழ - உழை - ஊழியம். உழத்தல் = வருந்தி வேலை
செய்தல். ஊழியம் = தொழில்,தொண்டு.
உறு = முற்சென்று பொருந்து, பொருந்து,
திரள், வலிமிகு. பல பொருள்கள் ஒன்றாய்ப்
பொருந்துவதால் திரட்சியும் உறுதியும்
உண்டாதல் காண்க.
உறு - உறவு, உற்றார். உறு - உறழ். உறு =
உறை = பொருந்த விழு, வலிதாய்ப் பொருந்து,
காரமாகு. உறு = மிக. உறுதி = மிகுதி, திரட்சி,
திண்ணம், உரம், உண்மை.
L. verus, true, O. Fr. verai, Fr. vrai,
Ger. wahr, A.S. voer,E. very, real, in a great degree; verity,
truth.
உருத்தல் = முற்படுதல், வேகமாய்த்
தோன்றுதல், மூண்டெழுதல்,
சினத்தல், எரிதல். உரு = தோற்றம்,
வடிவம், படிமை. உரு - உருவு - உருவம் - ரூப (வ.) உருவு- உருபு =
வேற்றுமை வடிவம். உரு = தோற்றம், பொருள்,
நகைப்பொருள், நிறம், எழுத்து, மந்திரவெழுத்து,
பாட்டு, சினம், நெருப்பு. உருப்படி = பொருள்,
தனிப்பொருள், பாட்டு. உரு - உரும் = சினம், நெருப்பு,
இடி. உரு + திரம் - உருத்திரம் = சினம். உருத்திரம் +
அன் - உருத்திரன் = அழிப்புத் தெய்வம்,
நெருப்புக்கடவுள், சிவன். உருத்திரன் + அக்கம் -
உருத்திராக்கம் (சிவமணி). உருத்திரம் < ருத்ர
(வ.).
Cf. A.S. wradh, E. wroth, Ice. reidh - r,
O. Ger. reid, உருத்திரன் < ருத்ர
(வ.). உருத்திராக்கம் < ருத்ராக்ஷ (வ.).
உரும் - உருமி = வெப்பமாகு, புழுங்கு. உருமி
+ அம் - உருமம் = வெப்பம், வெப்பமிக்க நண்பகல்.
உருமம் - உருப்பம் = நெருப்பு, சினம்.
உரு - குரு. குருத்தல் = தோன்றுதல்,
சினத்தல், எரிதல். குரு = நெருப்பு, சூட்டாலுண்டாகும்
கொப்புளம் (prickly heat,
boil).உருமம் - குருமம் = சூடு. Hi.
garam, Skt. gharma, Gk. therme, heat, O.L. formus,
A.S. wearm, Ger. warm, E. warm, hot.
குருத்தம் (கோபம்.) < க்ரோத (வ.). குரு
= நெருப்பு, நெருப்பின் நிறமான சிவப்பு, ஒளி,
அகவொளி தரும் ஆசிரியன்.
"குருவுங் கெழுவு நிறனா கும்மே"
(தொல். 785). குரு = செந்நிறம். குருதி = சிவப்பு,
அரத்தம், செவ்வாய் (Mars).
குருதிக் காந்தள் = செங்காந்தள். குரு - குரவன் =
ஆசிரியன். பெரியோன்,
உர் - உரசு, உரை, உராய். உரிஞ்சு =
பொருந்து, தேய்.
Fr. L. frico, to rub, E. friction.
|