ஒத்தி = பொருத்தம் பார்க்கும் பயிற்சி, நிலத்தை ஒருவனிடம் பொருத்திவைக்கும் அடைமானம். ஒப்பு + ஊர் - ஒப்பூர். ஒப்புரவு = உயர்ந்தோரோ டொப்பவொழுகல். ஒம்பு = மனத்திற்குப் பொருந்து. ஒவ்வு = பொருந்து. ஒற்று = ஒத்து, பொருந்தியறியும் உளவு.

ஒள் - ஒண் = பொருந்து, இயல். ஒண்ணும் = பொருந்தும். சொல்லவொண்ணாத - சொல்லொணாத - சொல்லொணா = சொல்ல முடியாத. ஒண் - ஒண்டு = பொருந்து, ஒட்டு. ஒள் - ஒட்டு - ஒட்டம். ஒட்டு - ஒட்டாரம் = பிடிவாதம்.

ஒல் = பொருந்து. ஒல் - ஒர் - ஒரு - ஓர். ஒருவு = ஒரு பக்கம் செல், நீங்கு. ஒருங்கு = ஒன்றாய். ஒதுங்கு = ஒரு பக்கம் செல். ஒத்து = ஒரு பக்கம் தள். ஒல் + து - ஒன்று.

L. unus, E. one.

ஒன்று - ஒன்றி - ஒண்டி (கொ.) ஓர் - ஓரம் = பொருந்திய இடம், நெருங்கிய அண்மை. ஓர் = பொருந்தி ஆராய், உணர், தெளி. ஒல்-ஒன் = பொருந்து. ஒன்னார் = பொருந்தார், பகைவர்.

உள் = பொருந்து. உள் - அள் = பொருந்து, நெருங்கு. அளி = செறிந்த வண்டு, குழம்பிய சேறு. அள் - அள்ளு = விரலை அல்லது கையைக் கூட்டியெடு, கூட்டிய கைபோல் உட்குவிந்த கலத்தால் எடு. அள் - அள = அள்ளி அல்லது பொருத்தி மதி. அள் - அளி = அள்ளிக்கொடு, கொடு. அளி = கொடை, அருள். அள் - (அய்) - அயல் = அண்டை, பக்கம், புறம். அள் - (அரு) - அருகு.

அள் - அண் - அண்ணு = பொருந்து, நெருங்கு. அண் - அணுகு -அணுக்கம். அண் - அணி = நெருங்கு, உடம்பில் ஒட்ட இடு, உடு. அண் - அண - அணவு = பொருந்து. அண் - அணை = பொருந்து, தழுவு, தழுவித் தடு. அணை = நீர்த்தடை. அணை - அணைசு = பொருந்தும் பூண் அல்லது கிண்ணம். அண் - அண்டு = நெருங்கு. அண்டு - அண்டை.

அள் -அட்டு = பொருந்து, ஒட்டு. அட்டு - அட்டை = ஒட்டிக்கொண் டிருக்கும் புழு.

அண் - அடு. L. ad, Goth. at, E. ad, at Celt. ar.

அடு - அடுக்கு. அடு - அடை - அடைவு - அடவு - அடகு. அடு - அடர்- அடவி < Skt. atavi.

அள் - நள் = பொருந்து, நெருங்கு. நள் + பு - நட்பு. நள் - நண் + பு - நண்பு. நண் - நண்ணு - நணுகு. நள் - நளி = நெருக்கம், செறிவு. "நளிஎன் கிளவி செறிவும் ஆகும்" (தொல். 867). நள் - நாள் = செறிந்த உடு, நாண்மீன், உடுவிற்குரிய நாட்காலம். நள் - நளி - நனி = செறிவு, மிகுதி.

உள் - ஒள் = துளை. ஒள் - (ஒளுகு) - ஒழுகு = துளையிலிருந்து விழு, நீள், நட. ஒரு பொருள் ஒழுகும்போது நீட்சி யுண்டாகும்; நடத்தல் ஒருவகையில் நீட்சியாகும்.