முகப்பு

பக்கம் எண் :

தொடக்கம்

14 செந்தமிழ்க் காஞ்சி    மொழிநூலே யறியாதார் முற்றும் - சொல்லும்    முறையற்ற சொற்களுக் குரையுண்டோ சற்றும்.      இயற்கையாம் தென்மொழித் தன்மை - மிகச்    செயற்கையாய்ச் செய்ததே ஆரியத் தன்மை.      இந்திய மொழியெல்லாம் ஒன்றே - என்றால்    இந்தியர்க் கூண்மண சம்பந்த முண்டே      அண்மை இந்திஎளி தென்றீர் - அந்த    ஆங்கில ஒலிகளோ எளியன கண்டீர்.      ஆங்கிலம் போலவே இந்தி - ஒரு    ஆரியக் கிளைமொழி யானது சிந்தி.      உடன்பிறந் தார்க்கெல்லாம் அன்போ - நம    துடன்பிறந் தேகொல்லும் நோயொடு நண்போ?      தமிழ்நாடோ ஒருசிறு பாகம் - என்று    தள்ளாதீர் பாரதத் தலையது வாகும்.      பலர்இந்தி பேசுவ தாலே - தமிழ்ச்    சிலர்அதைத் கற்றறிடுஞ் சிரமமுங் காலோ.      ஓநாயாட் டுக்குட்டி நியாயம் - அறி    வுள்ளவ ரெல்லாரும் தள்ளுவர் மாதோ.      ஆரியங் கலப்பதி னாலே - முற்றும்    அழிந்துபோம் தமிழ்இதை அறிவீர்இக் காலே.      தமிழென்றே ஒருமொழி யுண்டோ - என்று    சந்தேகிக் குங்காலம் சமீபமா யுண்டே.      தமிழாஉன் மடிகட்டிக் கொண்டு - இன்று    தற்காத்துக் கொள்உன்றன் தாய்மொழி நன்று.

முன் பக்கம்

மேல்

அடுத்த பக்கம்