| | 9. வணிகத்தால் வந்த இரண்டோர் அயல்நாட்டு விலங்குகளும் நிலை த்திணை (தாவர) வகைகளுந்தவிர, மற்றெல்லாக் கருப்பொருள்களும் காலவகைகளும் நிலவகைகளும் தென்னாட் டிற்குச் சிறப்பாக வுரியவையே பண்டைத் தமிழிலக்கியத்திற் கூறப்பட்டிருத்தல். |
| | 10. நாகரிகத்தொடக்க நிலைக்குரிய குறிஞ்சி மகளிர் தழையுடையும் தனியூராட்சியும், தமிழர் முழுநாகரிக மடைந்த பின்பும் அகப் பொருட் செய்யுள்களிற் புலனெறி வழக்கமாகக் கூறப்பட்டு வருதல். |
| | 11. நண்ணிலக் கோட்டையடுத்த வெப்பநாட்டு மக்கட்குரிய நிறத்த ராகவே பண்டைத்தமிழர் குறிக்கப்பட்டிருத்தலும், பனிக்கட்டியைப் பற்றி ஒரு குறிப்புமின்மையும். |
| | 12. தமிழ்மக்கள் பழங்கற்காலத்திலிருந்து தென்னாட்டிலேயே தொ டர்ந்து வாழ்ந்து வந்திருத்தலும், அவர்க்கு வந்தேறிக் கருத்தின் மையும் |
| | 13. தமிழர் பிறநாட்டினின்று வந்தவரென்று பண்டைத் தமிழிலக் கியத்தில் ஒரு வரலாற்றுக் குறிப்புமின்மை. |
| | 14. தென்னாடு, தென்னர் (தென்னாட்டார்), தென்மொழி, தென்னவன் (பாண்டியன்), தென்கலை என்னும் பெயர்கள் தொன்றுதொட்டு வழங்கிவந் துள்ளமை. |
| | 15. பண்டைத் தமிழர் தம் இறந்த முன்னோரைத் தென்புலத்தார் என்றும், அவர் இருந்ததாகக் கருதிய இடத்தைத் தென்புலம் அல்லது தென்னுலகு என்றும், கூற்றுவனைத் தென்புலக்கோன், தென்றிசைக் கிழவன் தென்றிசை முதல்வன் என்றும், குறித்து வந்தமை. |
| | 16. தெற்கு வடக்குத் தெரியாதவன், தெற்கும் வடக்குமாய்த் திரிகின்ற வன், தென்வடல், தென்பல்லி வடபல்லி (அணிகள்) முதலிய வழக்குகளில், தென்றிசையே முற்குறிக்கப்பெறுதல். |
| | 17. எண்டிசைத் தலைவருள் வடபால் மூவர் தவிர ஏனையவரெல் லாரும் குமரிநாட்டிற்கே பொருத்தமாயிருத்தல். |
| | 18. தென்மொழிச் சொற்களுட் பெரும்பாலன கொத்துக்கொத்தாகவும் குலங்குலமாகவுந் தொடர்புகொண்டு தமிழிலேயே வழங்கி வருதல். |
| | 19.தென்மொழி வளர்ச்சியின் ஐந்நிலைகளையும் தமிழே காட்டி நிற்றல். |