:: TVU ::

எழுத்தியல்

படாது என்னும் துணைவினை விலக்குப் (prohibition) பொருளில் எல்லாப் பாற்கும் இடத்திற்கும் ஏற்கும்; நிகழாமை அல்லது கூடாமைப் பொருளில் படர்க்கை ஒன்றன்பாற்கு மட்டும் ஏற்கும்.

உ-ம்:
    1. அவன், அவள், அவர் இங்கே வரப்படாது
       அது, அவை. } (impersonal)

    2. அது அகப்படாது - It cannot be got or caught
      அது சொல்லப்படாது - It will not be told

    நன்மைக்கும் தீமைக்கும் பொதுவான சில குணப்பெயர்கள் நாளடைவில் பொதுமை நீங்கி, நல்லது அல்லது தீயதைமட்டும் உணர்த்தும்.

உ-ம்: மணம், வாசணை - நறுமணம், நல்ல வாசனை
      நாற்றம், வீச்சம் - தீய வாசனை

இகழ்ச்சிச் சொற்கள் - Ridiculous Terms

கிழம், கிழடு போன்ற இகழ்ச்சிச் சொற்களைக் நீக்கிக் கிழவன் கிழவி போன்ற சிறந்த சொற்களைக் கொள்ளவேண்டும்.

இழிசொற்கள் - Slang words

அன்னா! (அந்தா!), ஆச்சு, கண்ணாலம், தவக்களை, தவக்கா, பீச்சங்காய், பெண்சாதி, மச்சான், மச்சாவி, வரச்சே, வரச்சில, வெஞ்சனம் முதலிய இழிசொற்களை நீக்கி உயர்சொற்களை வழங்கவேண்டும்.

வழூஉச் சொற்கள் - Erroneous Words

பிழை	திருத்தம்	பிழை	திருத்தம்
அதுகள்	அவை	எகனை	எதுகை
அமக்களம்	அமர்க்களம்	எண்ணை	எண்ணெய்
அமயம்போடு	அபயம்போடு	ஏழரைநாட்டான்	ஏழரையாட்டையான்
அமிஞ்சி	அழுமூஞ்சி	ஏழரைநாட்டுச்சனியன்-	ஏழரையாட்டைச்சனியன்
அய்யர்	ஐயர்	கடற்கண்ணி	கடற்கன்னி
அரட்டவாளை	அரைத்தவளை	கடாரங்காய்	கடாநாரத்தங்காய்
அலமேல்	அலர்மேல் (மங்கை)	கண்ட்ராவி	கண்ணராவி
அவங்க,அவன்கள்	அவர்கள்	கண்ணாலம்	கலியாணம்
அறுதலி	அறுதாலி	கண்ணுக்குமாசியாய்	கண்ணுக்குள் மாசாய்
ஆத்துக்கு	அகத்துக்கு	கந்தட்டி	கண்திருஷ்டி,கண்திருட்டி.
ஆம்படையான்	அகமுடையான்	கம்மநாட்டி	கைம்பெண்டாட்டி
ஈர்கலி	ஈர்கொல்லி	காணும்	காணேன்(தன்மைஒருமை)
உருத்து	உரித்து
உன்னி	உண்ணி
ஊரணி	ஊருண்ணி, ஊருணி