மறைவிடம் என்னும் பொருளில் இருக்குவேதத்திலும், அக்குள்
என்னும் பொருளில் அதர்வ வேதத்திலும், க்ஷ என்னும் சொல்
ஆளப்பெற்றிருப்பதாக மா. வி. அ. கூறும்.

கட்சி - கக்ஷ

     கட்சி = காடு. கள் - கடு - காடு. கள் + சி = கட்சி.     

கட்டில் - கட்வா (kh)

     கட்டு - கட்டில்.

கட்டை - காஷ்ட

     கள் - கட்டு - கட்டை = திரண்ட மரத்துண்டு, திரண்ட விறகு.

     வடமொழியில் திரட்சி என்னும் சிறப்புப் பொருளில்லை.

கடகம் - கடக (—)

     குடா=வளைவு. குடங்குதல்=வளைதல். குடந்தம் = வணக்கம்.

     குட-குடம் - (குடகம்) - கடகம் = வளையல், தோள்வளை, வட்டம்,
வட்டமான பெரு நார்ப்பெட்டி, நண்டு, நகர் சூழ்ந்த மதில், மதில் சூழ்ந்த
ஒட்டரநாட்டுத் தலைநகர்.

கடகன் - கடக (gh, t)

     கடத்தல் = மிஞ்சுதல், தேர்தல், வெல்லுதல். கட - கடகன்
= கடந்தவன், தேர்ந்தவன்.

கடம்பு - கதம்ப

     கடம்பு - கடம்பம் - கதம்ப (வ.).

     அம்மீறு பெற்ற வடிவே ஈறுகெட்டு வடமொழியிலுள்ளது. அதோடு,
கடம்பம் என்னும் மரப்பெயரும் கதம்பம் என்னும் கலவைப் பெயரும்
ஒன்றாக மயக்கப்பட்டுள்ளன.

கடாகம் - கடாஹ

     கடகம் - கடாகம் = வட்டமான கொப்பரை, பெருவெளிக் கோளகை.

கடி - காத் (khƒd) - இ.வே.

     கடித்தல் = பல்லால் வெட்டுதல், கடித்துத் தின்னுதல்.

கடிகை¹ - கட, கடீ, கடிகா (gh,—)

     குள்-குண்டு=குழி, ஆழம். குண்டு - குண்டான் = குழிந்த அல்லது
குண்டான கலம். குண்டான் - குண்டா.