முகப்பு

பக்கம் எண் :

தொடக்கம்

6 வடமொழி வரலாறு       கொட்டு - கொட்டம் = வட்டமான தொழு, நூற்குங் கொட்டை. கொட்டகை = சாய்ப்புப் பந்தல். கொள் - கொட்கு. கொட்குதல் = சுற்றுதல், திரிதல். கொட்கு - கொக்கு = வளைந்த கழுத்துள்ள நீர்ப்பறவை. கொட்கி - கொக்கி = வளைந்த மாட்டி. கொக்கை = கொக்கி. கொக்கரை = வளைவு, வில், வலம்புரிச் சங்கு. கொக்கட்டி = (குறுகி) வளைந்த பனங்கிழங்கு. குள் - குண்டு = உருண்டை, உருட்சி. குண்டன் = உருண்டு திரண்டவன். குண்டை = உருண்டு திரண்ட காளை. குண்டடியன் - உருண்டு திரண்ட ஆண்சிறுத்தை. குண்டான் - குண்டா - உருண்ட வடிவான கலம். குண்டு - குண்டலம் = வட்டம், சுன்னம், காயம் (ஆகாயம்), ஆடவர் காதுவளையம்.       குண்டலம் - குண்டலி = மூல நிலைக்கள (ஆதார) வட்டம்.     குண்டலி - குண்டலினி = மூல நிலைக்களத்திலுள்ள பாம்பின் வடிவமைந்த ஆற்றலி (சக்தி), மாமாயை.         குண்டி = உருண்ட புட்டம். குண்டு - கண்டு = நூற்பந்து.     (குண்டகம்) - கண்டகம் = வட்டமான மரக்கால். கண்டி = ஒரு கலம், ஓர் அளவு. கண்டி - கண்டிகை = பதக்கம், தோட்கடகம். கண்டிகை - கடிகை = நாழிகை வட்டில், நாழிகை, தோள் வளை, காப்பு. கடிகையாரம் - கடிகாரம். குள் - குண் - குணம் = குடம் (உருண்ட கலம்). குணக்கு = வளைவு. குணக்குதல் = வளைத்தல். குணலை = நாணத்தால் உடல் வளைகை. குணுக்கு = இளமகளிர் அணியும் கனத்த காது வளையம். குணம் - குடம், வளைவு, உருண்ட கலம், சக்கரக்குறடு. குடந்தம் = வளைவு, வணக்கம். குடக்கு - குடக்கி = வளைவானது. (குடகம்) - கடகம் = வட்டமான பெருநார்ப்பெட்டி. கடகம் - கடாகம் = வானவட்டம். குடலை = உருண்டு நீண்ட பூக்கூடை.

முன் பக்கம்

மேல்

அடுத்த பக்கம்