முகப்பு

பக்கம் எண் :

தொடக்கம்

முன்னுரை 5     குருள் = மயிர்ச்சுருள். குருளுதல் = சுருளுதல். குருகு = வளையல், வளைந்த கழுத்துள்ள நீர்ப் பறவைப் பொது, ஓதிமம் (அன்னம்). குரகம் = நீர்வாழ் பறவைப் பொது. குர் - குறு - குறங்கு = கொக்கி. குறங்கு - கறங்கு = காற்றாடி. கறங்குதல் = சுழலுதல்.         குறள்-குறழ். குறழ்தல் = குனிதல்.     குறள் - குறண்டு. குறண்டுதல் = வளைதல், சுருளுதல். குறடு = வளைந்த அலகுள்ள பற்றுக் கருவி. குறண்டல் = கூனல். குறு - கிறு. கிறுகிறுத்தல் = சுற்றுதல். கிறு - கிறுக்கு = தலைச்சுற்று, கோட்டி (பைத்தியம்).         குல் -குன் - குனி. குனிதல் = வளைதல். உடம்பு வளைதல்.     குனி = வில். குனுகுதல் = சிறுத்து உடம்பு வளைதல். குன் - கூன் = வளைவு, முதுகு வளைவு. கூன் - கூனல். கூன் - கூனி = வளைந்த சிற்றிறால். கூன் = கூனை = நான்மூலையும் கூனுள்ள நீர்ச்சால்.         குள் -கூள் - கூளி = வளைந்த வாழைப்பழம்.     கூள் - கூண்டு = தட்டிவளைவு, வண்டிக்கூண்டு போன்ற பறவைக் கூடு, விலங்குக் கூண்டு. கூண்டு - கூடு = நெற்கூடு, கூண்டு, உறை, உள்ளீடின்மை. குள் - கொள் = வளைந்த காயுள்ள பயற்றுவகை. கொள் - கோள் = சுற்றிவரும் விண்மீன் (கிரகம்). கோள் - கோளம் = வட்டம், உருண்டை. கோளம்- கோளகை = வட்ட வடிவம், மண்டலிப் பாம்பு. கோளம் = கோளகம் = (உருண்ட)மிளகு. கோள் = கோளா = பொரித்த உருண்டைக் கறி. கொள் - கொட்டு. கொட்டுதல் = கொள்கலத்தைச் சாய்த்து உள்ளீட்டை வீழ்த்துதல். கொள் = கொட்பு = வளைவு, சுழற்சி, சுற்றுகை. கொட்டு = வட்டமான நெற்கூடு, கொட்டு - கொட்டம், கொட்டில், கொட்டாரம். கொட்டில் = வட்டமான தொழு. கொட்டு - கொட்டை = உருண்ட வடிவம், பஞ்சுச் சுருள், உருண்ட தலையணை. கொட்டாரம் = வட்டமான களஞ்சியம்.

முன் பக்கம்

மேல்

அடுத்த பக்கம்