அனல் - அனல

     அன் - அன்று. அன்றுதல் = சினத்தல். அன்று - கன்று.

     கன்றுதல் = சினத்தல், வெயிலாற் கருகுதல்.

     அன் - அனல் - கனல் = நெருப்பு. கனலி = கதிரவன்.

     அனல் - தீ, வெப்பம், இடி. அனலுதல் = அழலுதல்.

     அனலி = நெருப்பு, கதிரவன்.

     அழல், அன்று, அனல் என்னும் சொற்களின் மூலம் அல் என்பது
உய்த்துணரப்படும். அது வழக்கற்றது. அது எல் என்னும் சொல்லொடு
தொடர்புள்ளது. எல் = கதிரவன், வெயில், ஒளி, பகல்.

     வடமொழியில் அன் என்பதை மூலமாகக் காட்டுவர். அதற்கு
உயிர்த்தல், இயங்குதல் என்னும் பொருளே உண்டு.

ஆகவம் - ஆஹவ (இ. வே.)

     அகவுதல் = அழைத்தல், போருக்கழைத்தல், அறைகூவல்.

     அகவு - அகவம் - ஆகவம் = போர்.

     வடவர் ஆ - ஹ்வே என்று மூலங்காட்டுவர். ஹ்வே என்பது
அகவு என்பதன் திரிபென்பது முன்னரே கூறப்பட்டது.

     ஆ என்பது பொருளற்ற முன்னொட்டு.

ஆடு - (ஏடு) ஏட

     முழுத்தல் = திரளுதல். முழு - முழா = திரண்ட முரசு. முழா - முழவு -      முழவம்.

     முழா - மிழா = திரண்ட ஆண்மான்.

     ஒ.நோ: முடுக்கு-மிடுக்கு, முண்டு - மிண்டு, முறை - மிறை= வளைவு.

     மிழா- மேழம் = திரண்ட செம்மறிக்கடா.

     மேழம் - மேழகம் = செம்மறிக்கடா.     

     மேழம் - மேடம் = செம்மறிக்கடா, மேடவோரை (பிங்.).
     மேழகம் - மேடகம் = செம்மறிக்கடா, மேடவோரை.
     மேழகம் - ஏழகம் = செம்மறிக்கடா, ஆடு (சூடா.)
     ஏழகம் - ஏடகம் - ஏடு - யாடு = ஆடு.