உகை - அஜ்

     உ - உகை. உகைத்தல் = முன்தள்ளுதல், செலுத்துதல்.

     உகை - அகை. அகைத்தல் = செலுத்துதல் (சூடா.)     

     அகை - கை. கைத்தல் = செலுத்துதல்.

     அகை - Gk. ago, L. ago, Skt. aj.

உச்சம் - உச்ச

     உ - உச்சி = தலை, உச்சந்தலை, முகட்டு நுனி, வானமுகடு, நண்பகல்.

     உச்சி - உச்சம். உச்சம்போது = உச்சிப்பொழுது.

     உச்சந்தலை - உச்சித்தலை.

உடுக்கு - ஹு டுக்க

     உடு = ஒடு. உடுக்கு = ஒடுக்கு. ஒடு - ஒடுகு - ஒடுங்கு -
ஒடுக்கு - ஒடுக்கம். உடுகு, உடுங்கு, ஒடுகு என்பன இறந்துபட்டன.

     உடுக்கு = இடையொடுங்கிய சிறுபறை. உடுக்கு - உடுக்கை.
வடமொழியில் மூலமில்லை.

உண்ணம் - உஷ்ண (இ.வே.)

     உள் - உண் - உண்ணம் = வெப்பம்.

     உண் = உண. உணத்தல் = காய்தல், உலர்தல்.

     உண - உணத்து. உணத்துதல் = காயப்போடுதல், உலர்த்துதல்.

     தலையை (முடியை) உணத்துதல் என்பது நெல்லைநாட்டு வழக்கு.

     மிளகாய் வற்றலை உணந்த மிளகாய் என்பது மேலை
வடார்க்காட்டு வழக்கு.

     உண - உணங்கு. உணங்குதல் = உலர்தல்.

     உணங்கல் = உலர்ந்த கூலம், வற்றல். உணங்கு - உணக்கம்.