‘இல்’ என்னும் வேர்ச்சொல் இல் (இளமைக் கருத்து வேர்) இல் உல் - உல்லரி = தளிர். உல் - உலவை = இளந்தழை. உல் - இல். இன்மை = மென்மை, நொய்ம்மை, இளமை, சிறுமை, எளிமை, வறுமை, இராமை. இல் - இல = இலவு, நொய்ய பஞ்சுள்ளது. இல - இலவு. இலவு - Skt. laghu = கனமின்மை, எளிமை. இலவு - இலவம் = இலவு, சிறிது (அற்பம்). M. ilavam. இலவம் (அற்பம்), Skt. lava. இல் - இலை = இலைவகைகளுள் மென்மையானது. இலம் = வறுமை. “இலம்என் கிளவிக்குப் படுவரு காலை” (தொல். எழுத்து. 316) இலம்படுதல் = வறுமையடைதல். இலம்படு - இலம்பாடு = வறுமை, “இலம்படு புலவர் ஏற்றகைந் நிறைய” (மலைபடு. 576) இலம் - இலம்பை = வறுமை. இடுக்கண். (யாப்பு.) "இலம்பா டொற்கம் ஆயிரண்டும் வறுமை.” (தொல். உரி. 62) இலம்படு - இலம்படை = வறுமை. “இலம்படை வந்துழி” (கந்தபு. மூவா. 46) |