உவச்சன் = ஓச்சன்.

உறி = உயரக் கட்டித் தூக்கும் தொடர்.

உன்னுதல் = மேலெழுதல்.

ஊர்தல் = ஏறிச்செல்லுதல்.

ஊர்தி = ஏறிச் செல்லும் விலங்கு, பறவை, வண்டி முதலியன.

“ஊர்தி வால்வெள் ளேறே”    (புறம். 1)

மோனைத் திரிபு

உ - ஒ - ஓ. ஒய்யாரம் = 1. உள்ளத் துயர்ச்சி. 2. அட்டோலகம் (ஆடம்பரம்)

ஒயில் = 1. ஒய்யார நடை. 2. குதித்தாடும் கும்மிவகை.

ஓங்குதல் = உயர்தல்.

ஓங்கு - ஓக்கு (பிறவினை). ஓக்கு - ஓக்கம் = உயர்ச்சி, பெருக்கம்.

ஓங்கல் = 1. உயர்ச்சி. 2. எழுச்சி. 3. மலை. 4. யானை.

ஓச்சுதல் = உயர்த்துதல்.

ஓச்சம் = உயர்வு.

“வெவ்வர் ஓச்சம் பெருக”     (பதிற். 41 20)

ஓவர் = ஏத்தாளர்.

“ஓவரும் பாட”         (சீவக. 1844)

பக்கத் திரிபு

உ - அ. உம்பரம் - அம்பரம்.

அண் = மேல், மேல்வாய். அண்ணம் = மேல்வாய்.

அண்ணன் = மேலோன், மூத்த உடன்பிறந்தோன்.

அண்ணல் = தலைவன், அரசன்.

அண்ணாள்வி = அண்ணாவி = வினையாட்டுத் தலைவன்.

அண்ணாத்தல் = மேனோக்குதல், தலைநிமிர்தல்.

அணத்தல் = தலையெடுத்தல்.

அணர்தல் = மேனோக்கிச் செல்லுதல்.

அணர் = மேல்வாய்ப்புறம்.

அணர் - அணரி = மேல்வாய்ப்புறம்.