| (1) | தமிழ் தொன்றுதொட்டுத் தென்னாட்டில் வழங்கிவரல். |
| (2) | தமிழ்நாட்டில் தெற்கே செல்லச் செல்லத் தமிழ் தூய்மையாகவும், வடக்கே செல்லச் செல்ல அது திரிந்தும் இருத்தல். |
| (3) | தமிழ்நாட்டையடுத்து வடக்கும் மேற்கும் தமிழின் திரிபான திரவிடமொழிகள் வழங்கல். |
| (4) | இந்தியாவில், வடக்கே செல்லச் செல்லத் திரவிட மொழிகள் திரிதல். |
| (5) | வடஇந்தியாவில் திரவிட மொழிகளும் ஆரிய மொழிகளும் வழங்கல். |
| (6) | இந்தியாவிற்குப் புறம்பாகப் பெலுச்சித்தானத்திலன்றி வேறோரிடத்தும் திரவிட மொழி வழங்காமை. |
| (7) | தமிழிலக்கிய மெல்லாம் தென்னாட்டிலேயே இயற்றப் பட்டிருத்தல். |
| (8) | வணிகத்தால் பிற நாடுகளினின்று வந்த கருப்பொருள் களன்றி, பண்டை யிலக்கியத்திற் கூறப்பட்டுள்ள முதல் கருவுரியாகிய மூவகைப் பொருள்களும், தென்னாட்டிற்கே யுரியவை யாயிருத்தல். |
| (9) | பழம் பாண்டிநாடு குமரிக்கண்டப் பகுதியாகக் கூறப்பட்டிருத்தல். |
| (10) | தமிழ் ஒலிமுறைமை தென்னாட்டிற்கன்றி வேறொரு நாட்டிற்கும் ஏலாமை. |