விரித்த கவிகை புடையுள்ளதா யிருப்பதால், கவிகை குடை யென்னப்பட்டது. குடை - கூடை = குடையுள்ள ஓலைநார்ப் பெட்டி. குழை - குகை - குவை. புல் - (பில்) = பிலம் = நிலக்குகை. புள் - புழை - புடை - புடங்கு. புள் - புழை - புடை - புடங்கு. புள் - பிள் - விள் - விடு - விடர் = குகை. முள் - முழை = குகை. முழை - முழைஞ்சு. முழை - முகை = குகை. xxx. பழைமை பழைமை காலத்தின் கீழ்நிலையைப் போன்றிருத்தலால், கீழ்மையை அல்லது பள்ளத்தைக் குறிக்கும் சொற்கள் சில பழைமையைக் குறித்தற் கேற்றவாயின. கீழ் = முற்காலம். “கீழ்ச்செய்த தவத்தாற் கிழியீடு நேர்பட்டு” (திருவாச. 5:46) கீழ்க்கடை = கடந்துபோன நாள்கள். கீழ் - கிழ = கிழமை. கிழ - கிழவு. தொல் - தொல்லை = பழமை. தொல் - தொன்மை. தொல் - தொன்று = பழைமை. தொல் - தோல் = பழைமை, பழம்பொருள்பற்றிய நூல், பழைமையான புகழ். தொள் - தொண்டு = பழைமை. புள் - பள் - பண்டு = பழைமை. பள் - பழ - பழமை - பழைமை. பழையன் = முதியன். xxxi. பழகுதல் ஒருவரொடு அல்லது ஒரு தொழிலில் பலநாட் பழகுவதால், புதுமை நீங்கிப் பழைமை ஏற்படுகின்றது. இங்ஙனம் பழைமையாதலே பழகுதல். ஒரு பொருளைப் பலநாட் கையாளுதலும் பழகுதலே. பள் - (பய்) - பயில் - பயிற்சி. பழ - பழகு - பழக்கு - பழக்கம். |