துவல் - துவலை = கூட்டம். தொள் - தொண்டி = தோட்டம். தொள் - தோடு - தோட்டம். துல் - (துற்று) - தொற்று - தொத்து = பூங்கொத்து. தொழு - தொழுதி. தொழு - தொகு - தொகுதி. தொகு - தொகை. தொகு - தொகுப்பு - தோப்பு. தொழு - தொறு = மந்தை. நுல் - (நுர) - நிர - நிரை = வரிசை, மந்தை. புல் - பொல் - பொரு - போர் = படப்பு. புள் - (பிள்) - பிண்டி = கூட்டம். பொள் - பொழி - பொழில் = சோலை. பொள் - பொய் - பொய்தல் = கூட்டம், மகளிர் கூட்டம். புது - புதர். புது - புதை - பொதை. பொது - பொதும்பு - பொதும்பர் = சோலை, மரச்செறிவு. முகு - முகை = கூட்டம். முகை - மூகை = கூட்டம். முல் - (மல்) - மன் - மன்று = அவை. மன்று - மந்து - மந்தை. முண்டு - மண்டு - மண்டல் - வண்டல் = ஆயம், மகளிர் கூட்டம். முட்டு - முட்டம் = ஊர். iii. உறையுள் மக்களும் மற்ற வுயிரிகளும் கூடி வாழும் இடம் அல்லது பொருந்தி யுறையும் இடம் உறையுளாம். உறு - உறை - உறையுள். உல் - (உர்) - ஊர். குல் - குலம் = வீடு, கோயில். தேவகுலம் = கோயில். குள் - குடி = வீடு, ஊர். குடியிருத்தல் = குடியிலிருத்தல், வசித்தல். குடி - குடிசை - குடிகை. குடி - குடில் - குடிலம். ‘கை’, ‘இல்’ என்பன குறுமைப் பொருள் விகுதிகள். ஒ.நோ: கன்னி - கன்னிகை. தொட்டி - தொட்டில். கும்பு - கும்பை = சேரி. கும்பு - குப்பு - குப்பம் = சிற்றூர். |