vi. ஓவியம்

ஒரு தோற்றத்தை ஒத்த வரைவே ஓவியம்.

உ - ஒ - ஓ = ஒப்பாகு (ஏ.).

ஓ - ஓவம் = சித்திரம். ஓ - ஓவியம் = சித்திரம்.

ஓ - ஓடு = ஒப்பு, சித்திரம். ஓடு - ஓடாள்வி - ஓடாவி = சித்திரக் காரன்.

சுள் - செள் - செ. (செத்திரம்) - சித்திரம்.

ஒ.நோ: செந்துரம் - சிந்துரம்.

புல் - புள் - (பள்) - படு.

படுதல் = உறுதல், பொருந்துதல், ஒத்தல். படு - படி = ஒப்பு, ஒத்தவகை, வகை. அப்படி, இப்படி, ஒருபடியாய் வருகிறது என்னும் வழக்குகளை நோக்குக.

படி - படிமை = ஒப்பு, ஒத்த உருவம், வடிவம், கோலம், தவக்கோலம்.

படி - படிமம். படி - படிவு - படிவம்.

படிவு - வடிவு - வடிவம்.

vii. நடிப்பு

ஒருவன் செயலை ஒப்ப இன்னொருவன் செய்தலே நடிப்பாம்.

நுள் - நள் - நளி - நடி.

நள்ளுதல் = பொருந்துதல், செறிதல்.

நளிதல் = பொருந்துதல், செறிதல் = ஒத்தல்.

நளிய என்பது ஓர் உவமவுருபு.

“நாட நளிய நடுங்க நந்த”                                        (தொல். 1232)

“நளியென் கிளவி செறிவும் ஆகும்”                             (தொல். உரி. 25)

நளி - நளினம் = பகடி, கோமாளிக் கூத்து.

நடித்தல் = பாசாங்கு செய்தல், கோலங்கொள்ளுதல், கூத்தாடுதல்.

நடி + அம் = நடம் = கூத்து. நடம் - நடன் = கூத்தன்.

“வளிநடன் மெல்லிணர்ப் பூங்கொடி மேவர நுடங்க”                  (பரிபா. 22:43)